U 2011 hodzie nie było zarehistravana nivodnaha hramadskaha abjadnańnia pravaabarončaj skiravanaści abo arhanizacyi, jakaja stavić pierad saboj metu demakratyčnych pieramien u krainie.Pra heta 23 studzienia ŭ Minsku na prezientacyi ahladu «Svaboda asacyjacyj i pravavoje stanovišča niaŭradavych arhanizacyj u Biełarusi» paviedamiła dyrektar ustanovy «Centr pravavoj transfarmacyi» Volha Smalanka.
Tak, pavodle jaje słoŭ, u 2011 hodzie było admoŭlena ŭ rehistracyi takim hramadskim arhanizacyjam, jak «Biełaruskaje abjadnańnie litvinaŭ», «Abjadnańnie ŭkraincaŭ horada Baranavičy «Kobzar», maładziožnaje hramadskaje abjadnańnie «Maładyja demakraty», respublikanskaje maładziožnaje abjadnańnie «Pravaabarončy centr
Jak adznačyŭ na prezientacyi ahladu juryst niezarehistravanaj Asamblei niedziaržaŭnych demakratyčnych abjadnańniaŭ Juryj Čavusaŭ, ułady «vielmi vybaračna» padychodziać da rehistracyi NDA. «Z adnaho boku, jany rehistrujuć hramadskija abjadnańni spartyŭnaj skiravanaści. Spartyŭnyja abjadnańni, abjadnańni fanataŭ, chakiejnyja, futbolnyja asacyjacyi, asacyjacyi spartyŭnaha pokiera… Tolki za 2011 hod byli zarehistravany try maładziožnyja arhanizacyi ŭschodnich adzinaborstvaŭ „Senkio“. Usio heta daje mahčymaść uładam havaryć ab raźvićci treciaha siektara ŭ Biełarusi. Na samoj ža spravie heta kłuby pa intaresach, a nie treci siektar», — zajaviŭ Čavusaŭ.
Volha Smalanka źviarnuła ŭvahu na toj fakt, što za apošnija 10 hadoŭ u Biełarusi nie było zarehistravana nivodnaj palityčnaj partyi. «My viedajem, što arhkamitet pa stvareńni partyi „Biełaruskaja chryścijanskaja demakratyja“ ŭžo čaćviorty raz padaje dakumienty na rehistracyju. Bolš za toje — dvojčy BCHD padavała na rehistracyju jak hramadskaje abjadnańnie. Ciapier ja nie dumaju, što BCHD zarehistrujuć. Praces rehistracyi pakul prypynieny», — skazała jana.
