Taki prahnoz utrymlivajecca ŭ sumiesnym daśledavańni Instytuta narodnahaspadarčaha prahnazavańnia RAN, Instytuta ekanomiki i prahnazavańnia NAN Ukrainy i Centra intehracyjnych daśledavańniaŭ Jeŭrazijskaha banka raźvićcia (JEABR).
— havorycca ŭ dakumiencie.«Tempy rostu VUP Biełarusi pačnuć istotna zapavolvacca ŭžo ŭ siarednieterminovaj pierśpiektyvie»,
Aŭtary acenki prahnazujuć, što siaredniehadavy rost VUP Biełarusi ŭ 2011–2015 hadach składzie 4,7%, u 2016–2020 hadach — 2,6%, u 2021–2025 hadach — 2,3%, u 2026–2030 — 2,7%.
U dakumiencie adznačajecca, što adnoj z pryčyn zapavoleńnia tempu rostu VUP «stanie niemahčymaść dalejšaha naroščvańnia vypusku na sastarełych vytvorčych mahutnaściach, a taksama źnižeńnie kankurentazdolnaści biełaruskaj pramysłovaści na fonie rostu cenaŭ na klučavyja vidy vydatkaŭ.
«Źnižeńnie tempaŭ rostu ekanamičnaj aktyŭnaści taksama adabjecca i na dynamicy spažyvańnia chatnich haspadarak, jakaja źnizicca — z 4,2% u 2011–2015 hadach da 2,9% u 2026–2030 hadach», — havorycca ŭ dakumiencie.
Aŭtary taksama adznačajuć, što
madernizacyja vytvorčych mahutnaściaŭ, nakiravanaja na źnižeńnie elektra- i enierhajomistaści vytvorčaści, pavinnaja stać adnoj z klučavych zadač ekanamičnaj palityki Biełarusi.
«Praz vysokuju zaležnaść ekanomiki Biełarusi ad impartavanych enierharesursaŭ niemahčyma kazać pra rost kankurentazdolnaści biełaruskaj ekanomiki biez rašeńnia zadačy enierhaefiektyŭnaści. Rost pradukcyjnaści vykarystańnia pieršasnych resursaŭ dazvolić abmiežavać rost impartu enierhanośbitaŭ i pierš za ŭsio pryrodnaha hazu», — padkreślivajecca ŭ acency.
