Advakat palitviaźnia Siarhieja Kavalenki i jaho žonka atrymali aficyjnyja admovy vypuścić hramadskaha aktyvista pad zakład da suda, paviedamiła kaardynatarka viciebskaha abłasnoha arhkamiteta pa stvareńni partyi «Biełaruskaja chryścijanskaja demakratyja» Taćciana Sieviaryniec.
Pavodle jaje słovaŭ, sprava Siarhieja Kavalenki ŭžo pieradadzienaja ŭ Pieršamajski sud Viciebska. Sudździej pryznačana Žuk.
«Razam z tym advakat skazaŭ, što sud pačniecca nie raniej, čym praź niekalki tydniaŭ», — adznačyła Taćciana Sieviaryniec.
***
Siarhiej Kavalenka z 19 śniežnia 2011 hoda znachodzicca ŭ SIZA i z 20 śniežnia trymaŭ haładoŭku ŭ znak pratestu suprać svajho zatrymańnia. Jon byŭ zatrymany ŭ miežach raspačataj u dačynieńni da jaho spravy pavodle artykuła 415 Kryminalnaha kodeksa (uchileńnie ad adbyvańnia pakarańnia ŭ vyhladzie abmiežavańnia voli). Aktyvistu pahražaje da troch hadoŭ pazbaŭleńnia voli. Nahodaj dla hetaha stali niby čatyry parušeńni, jakija Kavalenka ŭčyniŭ, adbyvajučy pakarańnie.
Kavalenka nieadnarazova zatrymoŭvała milicyja za arhanizacyju roznych akcyj. U mai 2010 hoda sud Kastryčnickaha rajona Viciebska pryhavaryŭ jaho da troch hadoŭ pazbaŭleńnia voli ŭmoŭna za vyviešvańnie
