Biełaruś źniziła ekspartnuju pošlinu na naftu i naftapradukty 1

Biełaruś 1 lutaha źniziła ekspartnuju pošlinu na naftu, što vyvozicca za miežy Mytnaha sajuza (MS) Biełarusi, Kazachstana i Rasii, z 397,5 da 393,7 dołara za tonu. Heta zamacavana ŭ pastanovie ŭrada Biełarusi № 98 ad 30 studzienia 2012 hoda.

Taksama źnižany staŭki espartnych pošlin na naftapradukty, što vyvoziacca ź Biełarusi za miežy mytnaj terytoryi MS. Pošlina na śvietłyja i ciomnyja naftapradukty, jakaja z 1 kastryčnika ŭnifikavanaja na ŭzroŭni 66% ad pošliny na naftu, zaraz składaje 259,8 dołara za tonu (u studzieni — 262,3).

Pošlina na prapan, butany, etylen, prapilen, butylen i butadyjen, inšyja zvadkavanyja hazy źnižana z 201 da 181,7 dołara, na naftavy vazielin, minieralnyja voski i anałahičnyja pradukty — z 262,3 da 259,8 dołara za tonu. Pošlina na bienziny tavarnyja i pramahonny bienzin źniziłasia z 357,7 da 354,3 dołara za tonu.

Nahadajem, mižuradavaje biełaruska-rasijskaje pahadnieńnie ab raźmierkavańni ekspartnych pošlin było padpisana ŭ śniežni 2010 hoda ŭ Maskvie. Zhodna z hetym dakumientam Rasija pastaŭlaje ŭ Biełaruś usiu naftu biaspošlinna. Biełaruś, sa svajho boku, abaviazana pieraličvać u biudžet RF uvieś abjom ekspartnych pošlin na naftapradukty, vyrablenyja z rasijskaj nafty, što vyvoziacca za miežy Mytnaha sajuza.

0

0

0

0

0

0

Andrej Kažamiakin, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH