Da minus 34: prahnoz nadvorja na 4 lutaha 11

U bližejšyja sutki, 4 lutaha, pa Biełarusi budzie vobłačnaje z prajaśnieńniami nadvorje, paviedamili ŭ Respublikanskim hidramieteacentry.

Unačy pa paŭdniova-ŭschodniaj pałavinie, a ŭdzień na bolšaj častcy terytoryi krainy projdzie śnieh. Udzień miescami mahčyma słabaja miacielica. Na asobnych učastkach daroh zachavajecca hałalodzica. Viecier uschodni, paŭnočna-ŭschodni, ad 2 da 7 mietraŭ za siekundu, udzień paryvy dasiahnuć 12 mietraŭ za siekundu.

Tempieratura pavietra ŭ načny čas składzie minus 23–29 hradusaŭ, miescami jana panizicca da 30–34 hradusaŭ, udzień budzie ad minus 11 hradusaŭ pa paŭdniovym uschodzie da 21 hradusa marozu pa paŭnočnym zachadzie.

Respublikanski hidramieteacentr papiaredžvaje ab źmianieńniach nadvorja i niespryjalnych mieteaŭmovach na bližejšyja vychadnyja. Na bolšaj častcy terytoryi krainy projdzie śnieh, miacielica. U niadzielu pa paŭdniovym uschodzie krainy čakajecca mocny śnieh. Marazy ŭ niadzielu krychu asłabiejuć.

0

0

0

0

0

0

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH