Sučasny kiraŭnik akramia najaŭnaści lidarskich jakaściej i kiraŭnickich zdolnaściej pavinien być patryjotam svajoj krainy. Takoje mierkavańnie vykazaŭ siońnia ŭ Mazyry pieršy namieśnik kiraŭnika Administracyi prezidenta Respubliki Biełaruś Alaksandr Radźkoŭ. Jon prymaje ŭdzieł u abłasnym adukacyjnym forumie dla asob, uklučanych u pierśpiektyŭny kadravy rezierv rehijonu.
Źviartajučysia da ŭdzielnikaŭ forumu, Alaksandr Radźkoŭ adznačyŭ, što budučaje Biełarusi znachodzicca siońnia ŭ rukach maładych. Stvoranaja ŭ respublicy sistema padrychtoŭki kadraŭ nakiravana na toje, kab šerahi kiraŭnikoŭ pastajanna papaŭnialisia za košt talenavitaj moładzi. «Tamu vam treba ŭžo zaraz być hatovymi ŭziać na siabie adkaznaść za los kalektyvu abo toj hrupy ludziej, jakimi vam davierać kiravać», — padkreśliŭ jon.
Jak viadoma, pierśpiektyŭny kadravy rezierv farmirujecca sa studentaŭ vyšejšych navučalnych ustanoŭ i śpiecyjalistaŭ va ŭzroście da 31 hoda, jakija vałodajuć lidarskimi i arhanizatarskimi zadatkami, majuć zdolnaści da kiraŭnickaj dziejnaści. Kab hetyja zdolnaści raźvić, maładyja ludzi pavinny pastajanna pavyšać svoj intelektualny ŭzrovień, ličyć pieršy namieśnik kiraŭnika Administracyi Prezidenta. Jany pavinny ŭmieć nie tolki raści pa słužbovaj leśvicy, ale i dać mahčymaść padnačalenym pracavać jakasna ŭ adpaviednaści ź ich zdolnaściami. Sučasny kiraŭnik pavinien być taksama cikavym čałaviekam, naprykład, mieć jašče niejkaje zachapleńnie ŭ žyćci, akramia asnoŭnaj raboty. Vielmi važna vałodać zamiežnaj movaj. «Biełaruś źjaŭlajecca centram Jeŭropy, tamu nam treba ŭmieć handlavać, abmieńvacca technałohijami, raźvivać mižnarodnyja kantakty ŭ cełym», — adznačyŭ Alaksandr Radźkoŭ.
A samaje hałoŭnaje, u sapraŭdnaha kiraŭnika pavinien być stryžań i razumieńnie taho, što «tut jaho ziamla, tut jaho radzima, adnym słovam, jon pavinien być patryjotam svajoj krainy», kanstatavaŭ pieršy namieśnik kiraŭnika Administracyi prezidenta.
