U Biełarusi rychtujecca pakiet mier pa rehulavańni situacyi ŭ cenaŭtvareńni. Ab hetym paviedamiŭ siońnia kiraŭnik Administracyi prezidenta Uładzimir Makiej u čas naviedvańnia AAT «Baranavičychlebapradukt» i sustrečy z rabotnikami pradpryjemstva.
«Vielmi mnohija vytvorcy śpiekulujuć na tym, što vysokaja inflacyja, i zakładvajuć vialiki pracent ryzyki ŭ canu na ŭsialaki vypadak. Tamu ciapier pa daručeńni Łukašenki my rychtujem ceły pakiet adpaviednych mier pa rehulavańniu situacyi ŭ śfiery cenaŭtvareńnia. Liču, heta pryniasie svoj plon», — adznačyŭ Uładzimir Makiej.
Jon raskazaŭ, što prajekt adpaviednaha ukaza pa antymanapolnym rehulavańni znachodzicca ŭ Administracyi prezidenta Biełarusi, jon razhladajecca i ŭ bližejšy čas budzie paviedamleny Łukašenku. «Liču, jak pieršy krok jon budzie vielmi efiektyŭny, a dalej budziem kantralavać situacyju», — skazaŭ Uładzimir Makiej.