U Biełarusi «niama moŭnaha pytańnia», ličyć namieśnik ministra kultury Tadevuš Stružecki.
«Histaryčna tak skłałasia, što bolšaja častka nasielnictva nie vykarystoŭvaje abo vykarystoŭvaje redka rodnuju movu», — zajaviŭ Stružecki 16 lutaha padčas kruhłaha stała «Papularyzacyja biełaruskaj movy: sučasnaść i pierśpiektyvy» ŭ Minsku.
U suviazi z hetym, adznačyŭ namieśnik ministra, «nieabchodny namahańni hramadstva, skiravanyja na zachavańnie, papularyzacyju biełaruskaj movy». «Dla Ministerstva kultury moŭnaha pytańnia niama.
Inšaja sprava, jak časta vykarystoŭvajecca biełaruskaja mova ŭ štodzionnym žyćci. Jaje nieabchodna papularyzavać», — skazaŭ Stružecki.
Pavodle jaho słoŭ, usia sistema dziejnaści Ministerstva kultury «skiravana na padtrymku i papularyzacyju biełaruskaj movy». «Ja mahu paćvierdzić kankretnymi prykładami:
usia zakanadaŭčaja i narmatyŭnaja baza ŭ śfiery kultury pryniata na biełaruskaj movie — heta pryncypovy padychod.Kali da nas źviartajucca na ruskaj movie, my, z ulikam dvuchmoŭja, biezumoŭna, viadziem pierapisku na ruskaj movie», — skazaŭ jon.
Stružecki zaŭvažyŭ, što vonkavaje afarmleńnie, tablički z nazvami va ŭstanovach kultury i navat unutranaja dakumientacyja viaducca ŭ asnoŭnym na biełaruskaj movie. «Chacia možna pryvieści prykłady i inšyja. I heta nie łahična, kali miascovaja biblijateka abo viaskovy kłub abaznačany na ruskaj movie», — ličyć namieśnik ministra. Pry hetym Stružecki padkreśliŭ: «U nas roŭnyja adnosiny i da biełaruskaj, i da ruskaj movy. My nie prajaŭlajem tut niejkuju niepavahu».
Jon upeŭnieny, što absalutnaja bolšaść žycharoŭ Biełarusi «viedajuć biełaruskuju movu i hatovy jaje vykarystoŭvać, ale ŭ kankretnych situacyjach jany heta nie robiać».«My pavinny davać stymuły, kab dapamahać užyvańniu biełaruskaj movy. My budziem z kožnym dniom padychodzić da situacyi, kali biełaruskaja movie stanie štodzionnym atrybutam našaha žyćcia», — skazaŭ namieśnik ministra kultury.
