U sakaviku źjavicca całkam biełaruskamoŭny kanał «Biełaruś-3» 117

Biełteleradyjokampanija płanuje ŭ siaredzinie sakavika 2012 hoda ŭ testavym režymie zapuścić kanał biełaruskaj kultury «Biełaruś-3». Pra heta paviedamiŭ Hienadź Davydźka.

Čakajecca, što ŭžo ŭ kastryčniku jon uvojdzie ŭ abaviazkovy pakiet kabielnych apierataraŭ.

Heta biełaruskamoŭny telekanał, dzie budzie pradstaŭlena lepšaja dakumientalistyka, histaryčnyja filmy, dasiahnieńni suśvietnaha kiniematohrafa, dublavanyja na biełaruskuju movu, tok-šou kulturałahičnaha płanu, relihijnyja prahramy, prahramy dla dziaciej, školnikaŭ.

Jaho stvareńnie miarkujecca biez pryciahnieńnia biudžetnych srodkaŭ.

«Heta taja niša, jakaja ciapier nie zapoŭniena. Z zapuskam «Biełaruś-3» kanał «Biełaruś-2» stanie kančatkova spartova-zabaŭlalnym, a «Biełaruś-1» — univiersalnym kanałam.

U pierśpiektyvie ŭ abaviazkovy pakiet kabielnych apierataraŭ uvojdzie jašče i kruhłasutačny infarmacyjna-analityčny kanał «Biełaruś-24», —

rastłumačyŭ Hienadź Davydźka.

Pa jaho mierkavańni, biełaruskaja nacyjanalnaja kultura maje patrebu ŭ papularyzacyi, i telekanał «Biełaruś-3» budzie hetamu spryjać.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH