Na sustreču z prezidentam Rasii zaprošanyja kala dziasiatka palitykaŭ, siarod ich — sustaršyni Partyi narodnaj svabody Barys Niamcoŭ i Uładzimir Ryžkoŭ, lidar «Levaha frontu» Siarhiej Udalcoŭ, lidar partyi «Narodny sajuz» Siarhiej Baburyn, kiraŭnik ekałahičnaha ruchu «Zialonyja» Anatol Panfiłaŭ i inšyja.
Čakajecca, što buduć abmiarkoŭvacca pierspektyvy palityčnych reformaŭ u Rasii. Barys Niamcoŭ zajaviŭ napiaredadni sustrečy, što maje namier nahadać preidentu ab patrabavańniach udzielnikaŭ niadaŭnich mitynhaŭ pad łozunham «Za sumlennyja vybary».
Siarhiej Udalcoŭ zajaviŭ, što prapanuje Dźmitryju Miadźviedzievu pieranieści prezidenckija vybary na hod, bo ŭ ciapierašnich umovach hałasavańnie nie budzie lehitymnym, bo pravodzicca pa zakanadaŭstvie, jakoje dyskryminuje apazicyju.
