Plusavaja tempieratura pavietra i doždž nie pieraškodziać praviadzieńniu ŭ Raŭbičach etapu Kubka śvietu pa frystajle 25 lutaha. Spabornictvy projduć pry lubych mieteaŭmovach,zajaviŭ 23 lutaha hałoŭny sudździa spabornictvaŭ Viktar Hrošaŭ u Minsku na
«Sioleta Raŭbičy hatovy da etapu Kubka śvietu jašče lepš, čym letaś. My praduhledzieli raznastajnyja niepryjemnaści nadvorja. Zrobleny vialiki zapas śniehu, trampliny apracavany pa technałohijach, jakija dazvolać zachavać ich u naležnaj jakaści. Spabornictvy nichto nie budzie admianiać, heta dakładna», — kanstatavaŭ hałoŭny sudździa.
Jak adznačyŭ u hutarcy z karespandentam BiełaPAN dyrektar spabornictvaŭ, pradstaŭnik Mižnarodnaj fiederacyi łyžnych vidaŭ sportu (FIS) Rajnchard Kramfał, Raŭbičy dobra padrychtavalisia da pryjomu takoha surjoznaha startu. «Ja zadavoleny arhanizacyjaj, usio vielmi prafiesijna. Heta tyčycca nie tolki spartyŭnaha składalnika, stanu tramplinaŭ, ale i naohuł arhanizacyi ŭ cełym. U kamand jość usio nieabchodnaje», — padkreśliŭ jon.
Dla biełaruskich amataraŭ frystajła, pavodle słoŭ Hrošava,
buduć arhanizavany śpiecyjalnyjaaŭtobusy-šatły ad aŭtavakzała «Maskoŭski» da Raŭbič. Bilety na etap Kubka śvietu možna budzie kupić niepasredna na miescy. Košt bileta — 30 tysiač rubloŭ.
Zbornaja Biełarusi vystupić na etapie ŭ Raŭbičach najmacniejšym składam.
