Na naradzie prysutničajuć ministr kultury Pavieł Łatuška (jon staršynia arhkamiteta prajekta «Jeŭrafest»), staršynia Biełteleradyjokampanii Hienadź Davydźka, pieršy namieśnik kiraŭnika Administracyi prezidenta Alaksandr Radźkoŭ, Alena Hulevič — namieśnik staršyni Biełteleradyjokampanii, jakaja adkazvaje za finansy, pradstaŭniki ź Biełtelekama, Śledčaha kamiteta i načalnik adździeła analityčnaha centra Administracyi prezidenta.
Alaksandra Cichanoviča jak kiraŭnika prajekta «Jeŭrafest» na hutarku nie zaprasili.
Čutki, što była stvorana śpiecyjalnaja kamisija pa praviercy vynikaŭ «Jeŭrafesta» źjavilisia jašče ŭ minułuju piatnicu, kali ŭ navinach pa ANT prajšoŭ siužet, u jakim paviedamlałasia, što pieramohu Łanskoj pierapravierać. U pryvatnaści, sumnievy vyklikała hledačoŭ hałasavańnie, zhodna ź jakim najvyšejšy bał 12 atrymała Alona Łanskaja.
***
Nahadajem, u finale «Jeŭrafesta» 14 lutaha ŭ Pałacy sportu pieramohu śviatkavała śpiavačka Alona Łanskaja z baładaj «Usio majo žyćcio». Za jaje hledačy addali svoj najvyšejšy bał — 12. Dziesiać pastavili žurya I ŭžo litaralna na nastupny dzień internet vybuchnuŭ paviedamleńniami, što niezasłužana Łanskaja pieramahła, ŭžyvała administracyjny resurs, na konkurs pavinny jechać «Łajtsaund». U piatnicu, 17 lutaha, telekanał ANT pakazaŭ siužet sa spasyłkaj na partał tut.by, u jakim paviedamiŭ, što była stvorana śpiecyjalnaja kamisija pa praviercy vynikaŭ. U samoj Biełteleradyjokampanii ab takoj kamisii viedać nie viedali, a internet praciahvaŭ šumieć, što razborki praciahvajucca.
