«Jeŭrafest». Fota Jaŭhiena Jerčaka. users.livejournal.com/_nevr_
Z apublikavanaj BiełTA spravazdačy z narady vidać, kim i jak byŭ arhanizavany «Jeŭrafest».
«Ja paprasiŭ, nie biez zhody i žadańnia Alaksandra Šakucina (staršynia rady dyrektaraŭ AAT «Amkador»), kab jon, ministr kultury i kiraŭnik Biełteleradyjokampanii arhanizavali hodna hety praces u našaj krainiei vyznačyli tych, chto hodna moža pradstavić našu krainu na hetym konkursie, — kazaŭ Łukašenka paśla narady. —
Jak mianie infarmavali, nie publična, u pryvatnym paradku, praces išoŭ.Tak, sapraŭdy, karcinka była pryhožaja na telebačańni, arhanizavana heta było narmalna», — skazaŭ kiraŭnik dziaržavy.
«Vy vyznačyli krytery, nie ja ich vyznačaŭ,što hledačy i žury, jak heta i na «Jeŭrabačańni» budzie, vyznačać najlepšaha. U vyniku ŭsio vyjšła naadvarot.
Vy stvaryli patavuju situacyju, jakaja charaktaryzuje ŭsich troch nieprystojna», — źviarnuŭsia Łukašenka da Šakucina, Davydźki i Łatuški.
Akazvajecca, heta kiraŭnik dziaržavy vyrašyŭ, chto i jak budzie abirać kandydata na «Jeŭrabačańnie». Pryčym adkaz na pytańnie «jak» abumoŭlivaŭ vynik «konkursu».
Łukašenka zadavoliŭ prośbu biznesoŭca-miljaniera (akazvajecca, hety kapitalist maje ź im ščylny kantakt).Šakucin arhanizoŭvaŭ i apłačvaŭ konkurs. I toj samy Šakucin apiekavaŭsia adnoj z udzielnic. Jakoj, u svaju čarhu, raniej prysvoili zvańnie Zasłužanaj artystki Respubliki Biełaruś — u 26 hadoŭ zasłužanaj. U vyniku «konkursu» Łanskuju nazyvajuć pieramožcaj. Ale
zrabili pamyłku: vybrali joj zanadta mocnych sparynh-partnioraŭ.Tre było b kahości zusim biazdarnaha.
Uźnik skandał — internet robić mahčymym chutki raspaŭsiud navin.
«Jak mianie infarmujuć ŭžo dźvie hrupy, jakija pa maim daručeńni hetym zajmalisia, vyniki finału konkursu akazalisia padtasavanymi. Nie viedaju, navošta i čamu. Raźbiaremsia. Daravańnia nikomu nie budzie. Tamu ja prapanuju vam nie ciamnić, — kazaŭ jon. —
Padstavili talenavituju śpiavačku. Nie viedaju, jak vy ź joj budziecie raźbiracca zaraz. I pakryŭdzili hetych chłopcaŭ,jakija faktyčna apynulisia pa vašych kryterach pieramožcami».
Alaksandr Łukašenka adznačyŭ, što druhoje pytańnie — heta finansavy bok, jaki jon daručyŭ adnačasova razhledzieć.
«Ja ździŭleny, Hienadź Branisłavavič (staršynia Biełteleradyjokampanii Hienadź Davydźka), vy kožny dzień mnie pišacie listy ab ciažkim finansavym stanie vašaj kampanii. I tym nie mienš marnujecie miljardy rubloŭ niezrazumieła na što.Vam što, hrošy niama kudy dziavać? Žurnalisty skardziacca — zarpłatu nie płacicie, jak pałožana. Heta druhoje pytańnie, na jakoje ja chaču atrymać adkaz».
Łukašenka padkreśliŭ, što heta budzie navuka dla ŭsich, chto siońnia zajmajecca adukacyjaj i kulturaj: «Tam nie ŭmiejuć ličyć hrošy, tamu što jany ich nie zarablajuć».
Jak dałažyŭ ministr kultury, a taksama staršynia arhkamiteta prajekta «Jeŭrafest» Pavieł Łatuška, ni jon, ni na jaho nie akazvałasia ni najmienšaha cisku pry vyznačeńni pieramožcy konkursu.«Mnie taksama nieviadomyja padobnyja fakty ŭ dačynieńni da inšych adkaznych za nacyjanalny adbor. Ministerstvam kultury nie davalisia daručeńni pa sistemie kiravańnia kulturaj ab administracyjnaj padtrymcy adnaho z kandydataŭ», — adznačyŭ jon. [Sihnały pra toje, što dla padtrymki Łanskoj vykarystoŭvajecca administratyŭny resurs, pačali prychodzić napiaredadni finalnaha kancerta «Jeŭrafestu». - Red.]
«Razam z tym, jak staršynia arhkamiteta, ja pavinien byŭ bolš staranna padyści da pytańnia padliku hałasoŭ telehledačoŭ samakrytyčna aceńvajučy situacyju z pazicyi siońniašniaha dnia, pytańnie pracedury i prazrystaści padliku hałasoŭ nieabchodna było razhledzieć asobna na pasiadžeńni arhkamiteta», — pryznaŭ ministr.
Łatuška moh akazacca vypadkovaj achviaraj afiery, u jakoj jon byŭ usiaho tolki viasielnym maršałkam.Dla taho kab padobnaja situacyja ŭ budučyni nie paŭtaryłasia,
Pavieł Łatuška prapanavaŭ vyrazna prapisvać pravavuju praceduru padliku i kantrolu za hałasavańniem. U skład padlikovaj kamisii pa padliku hałasoŭ telehledačoŭ u abaviazkovym paradku ŭklučać pa adnym pradstaŭniku ad kožnaha finalista konkursu.Nieabchodna taksama zabiaśpiečyć demanstracyju hałasavańnia ŭ žyvym efiry.
«Zychodziačy ź infarmacyi ab realnych vynikach hałasavańnia telehledačoŭ, i dla adnaŭleńnia spraviadlivaści nieabchodna vyznačyć pieramožcam u nacyjanalnym adbory hrupu Litesound i zabiaśpiečyć jaje ŭdzieł u «Jeŭrabačańni», — adznačyŭ ministr kultury.Zatym ab situacyi, jakaja skłałasia dałažyŭ pieršy namieśnik kiraŭnika Administracyi prezidenta Alaksandr Radźkoŭ, jaki ŭznačaliŭ kamisiju pa hetym pytańni. «Kamisija pa ŭsim łancužku praviała pravierku dla adnaŭleńnia sapraŭdnaj karciny.
Ustanoŭlena, što vyniki hałasavańnia žury sfalsifikavanyja nie byli Usie našy apytańni pakazali, što cisku jany nie adčuvali», —painfarmavaŭ jon, adznačyŭšy, što pa vynikach hałasavańnia členaŭ žury na pieršym miescy była hrupa Litesound, na druhim — Alona Łanskaja.
Paśla zakančeńnia pracy žury na praciahu 15 chvilin išło hałasavańnie telehledačoŭ.
«Byli adkaznyja asoby, pierš za ŭsio rabotniki Biełteleradyjokampanii, jakija jak sistemnyja administratary adkazvali za padlik hałasoŭ i siadzieli za kamputarami. Heta było ŭ pierasoŭny telestancyi. Tam prysutničali 7 čałaviek. Chod hałasavańnia abmiarkoŭvaŭsia, byŭ adkryty. Tamu ŭsie bačyli (i heta paćviardžajuć prysutnyja) , što pa zvankach telehledačoŭ i SMS hrupa Litesound prykładna na 2 tys abychodziła Alenu Łanskaja, -. raskazaŭ Alaksandr Radźkoŭ. — Kali paśla padviadzieńnia vynikaŭ u hetuju stancyju pryjšoŭ pradziusar Dźmitryj Baranaŭ, jamu dałažyli sapraŭdnuju karcinu. Jon zahadaŭ [sic!], kab dali vyniki, u adpaviednaści ź jakimi pieramožcam była b Alona Łanskaja.Hetyja vyniki byli pieradadzienyja ŭ padlikovuju kamisiju i prasumavanyja».
Alaksandr Radźkoŭ dalej rastłumačyŭ, što ŭ Aleny Łanskoj i ŭ hurte Litesound akazałasia adnolkavaja kolkaść bałaŭ, a pa ŭmovach konkursu ŭ hetaj situacyi pieravaha addajecca tamu, chto atrymaŭ bolš hałasoŭ telehledačoŭ.
Jon taksama raspavioŭ, što
rabotniki, jakija znachodzilisia ŭ pierasoŭnaj telestancyi, zachavali na«My pravieryli praź siervier «Biełtelekam». Jany ŭ dakładnaści supadajuć z tym, što było na flešcy. Heta značyć, sapraŭdnaja karcina ŭ nas jość. Pa hetych vynikach pieramahła hrupa Litesound z roźnicaj amal u 2 tys. hałasoŭ. My dokazna i dakumientalna ŭstanavili, što vyniki hałasavańnia telehledačoŭ byli sfalsifikavanyja», — kanstatavaŭ Alaksandr Radźkoŭ.fłeš-karcie sapraŭdnyja dadzienyja.
Prychodzić u hałavu, što, kali b zachoŭvalisia biuleteni prezidenckich vybaraŭ, možna było b lohka pravieryć ličby, jakija ahučvajucca vybarčymi kamisijami.
Akramia taho, byŭ pravierany finansavy bok praviadzieńnia finału «Jeŭrafestu». «My padymali hetyja finansavyja pytańni i źviartali ŭvahu na niedapuščalnaść takich vydatkaŭ», — adznačyŭ pieršy namieśnik kiraŭnika Administracyi prezidenta.
Bolš padrabiazna pa hetym pytańni dałažyła namieśnik staršyni Biełteleradyjokampanii Alena Hulevič.
«Krynicami apłaty byli pazabiudžetnyja srodki Biełteleradyjokampanii, srodki respublikanskaha biudžetu i nie mienš za 50% — udzieł sponsara AAT «Amkador», —skazała jana. Pry hetym užo vydatkavanaja značnaja častka z tych srodkaŭ, jakija mierkavałasia nakiravać na tvorčuju dziejnaść da kanca hoda.
„Z prychodam Aleny Hulevič u Biełteleradyjokampaniju ŭ nas stała źjaŭlacca realnaja karcina finansavaha stanu na telebačańni.Situacyja z praviadzieńniem «Jeŭrafestu» pakazvaje, što pakul vyraznaha kanstruktyŭnaha ŭzajemadziejańnia pamiž kiraŭnikom i namieśnicaj, jakaja kuryruje finansy, niama, — paviedamiŭ kiraŭnik Administracyi prezidenta Uładzimir Makiej. — Takaja ž situacyja i pa šerahu inšych prajektaŭ».
Heta aznačaje, što na BT viałasia niejkaja padvojnaja buchhałteryja, ale jakaja i chto toje zavioŭ i čamu vyrašana ad jaje admovicca?
«My nie možam padmianiać dziejnaść kiraŭnika Biełteleradyjokampanii, ale z našaha boku my pryznajom, što varta było b dziejničać bolš žorstka i bolš aktyŭna», — skazaŭ Uładzimir Makiej.
«Tak, vy nie pavinny nikoha padmianiać, — tam jość kiraŭnik. Ale my majem prava ich źmianiać», — adznačyŭ Łukašenka.
Źviartajučysia da namieśnika prem'
«Kali ŭžo być adkrytymi, Anatol Apanasavič, heta vaša pytańnie — finansavaje. Administracyja prezidenta adkazvaje za ideałahičny składnik. A jaki vaš udzieł u hetym? Vy hrošy tam paličyli, prakantralavali razam z profilnym ministram, ci chacia b naŭprost?»
«Na žal, nie zajmalisia hetym. Ličyli, što heta nie naša pole dziejnaści. Zrobim vysnovy», — adkazaŭ Anatol Tozik.
«Hrošy vy pavinny ličyć. Biudžet va ŭradzie, a nie ŭ Administracyi», — zaŭvažyŭ Łukašenka.
«Zaprasili vialikich zorak, zapłacili im niemałyja hrošy.
Kali my takija biednyja, dyk davajcie my hetyja hrošy ŭkładziem u svaich. Niachaj našy vyjduć i praśpiavajuć. Taja ž Afanaśjeva, Saładucha, Darafiejeva.Voś pra što pytańnie siońnia», — Łukašenka skazaŭ toje, što pavinna spadabacca minskaj pop-tusoŭcy.
«Nakirujcie pa finansavych pytańniach tudy Kamitet dziaržkantrolu, i chaj mnie naŭprost dakładvajuć sumlenna i abjektyŭna,što tam adbyvajecca», — daručyŭ jon.
Za niaŭmieńnie arhanizavać elehantnuju pieramohu Łanskoj BT zapłacić niervami pravierki Dziaržkantrolu.
«Majcie na ŭvazie, ja na hetuju temu razmaŭlaju ŭ apošni raz», — papiaredziŭ Łukašenka. —
Ja vas tudy nakiravaŭ [Hienadzia Davydźku], urešcie, jak svajho čałavieka, jaki pavinien navieści tam paradak.Ale razmachvać šaškaj, asabliva ŭ finansavych pytańniach, heta navat niebiaśpiečna. Prymuście kožnaha prynosić u skarbonku, a nie zabirać z hetaj skarbonki».
«Heta pavinna być navuka nie tolki Biełteleradyjokampanii i Ministerstvu kultury, — dadaŭ Łukašenka. — U biudžet hetyja hrošy chtości prynosić. My pavinny ličyć kožnuju kapiejku. Usiudy treba ličyć hrošy i padychodzić razumna».
Hienadź Davydźka pryznaŭsia, što vielmi ciažka ŭsprymaje toje, što adbyłosia: «Chaciełasia śviata, zrabić usio sumlenna. Značyć, ja dzieści niešta nie praduhledzieŭ. Što tyčycca finansavaj situacyi, taksama prymaju». Jon zapeŭniŭ, što hrupa Litesound budzie padrychtavana i hodna vystupić na «Jeŭrabačańni» ŭ Baku.
Hienadź Davydźka taksama paabiacaŭ źmienšyć ambitnaść płanaŭ Biełteleradyjokampanii i aptymalna raschodavać srodki.
Łukašenka taksama adznačyŭ: «Zaachvočvańnie ŭdzielnika «Jeŭrabačańnia» zaležyć ad taho, jak jon tam vystupić, jakoje zojmie miesca. Dakładna tak, jak u sporcie. Vynik na stoł — atrymlivaj i materyjalnaje, i maralnaje ŭznaharodžańnie, jak heta było ź Viktoryjaj Azaranka, Darjaj Domračavaj, Kaciarynaj Karsten i mnohimi inšymi». Možna padumać, što Azaranka, majučy miljony dalaraŭ hanararaŭ i žyvučy ŭ Monte-Karła, maje patrebu ŭ materyjalnym i maralnym uznaharodžvańni ad namieśnikaŭ pa ideałohii.
