Pra heta partału Tut.by paviedamiła krynica, blizkaja da kiraŭnictva krainy.
Jak i raniej, u adkaz na abmiežavalnyja miery Zachadu biełaruskija ŭłady adyhryvajucca na ŭłasnym nasielnictvie — jahonaj apazicyjna nastrojenaj častcy.
Ciapierašniaje zakanadaŭstva taho nie dazvalaje, ale, jak pakazvaje praktyka, u «pravavoj» dziaržavie na čale z Alaksandram Łukašenkam zakony mianiajucca časam za adzin viečar, na sakretnym pasiadžeńni pałaty pradstaŭnikoŭ.
Jak stała viadoma Tut.by, papiarednie ŭ śpisie značycca 108 proźviščaŭ, u tym liku byłoha staršyni Viarchoŭnaha Savieta Biełarusi Stanisłava Šuškieviča, staršyni Biełaruskaha kanhresu demakratyčnych prafsajuzaŭ Alaksandra Jarašuka i staršyni Biełaruskaj asacyjacyi žurnalistaŭ Žanny Litvinoj.
Śpis papoŭniła 21 proźvišča, siarod jakich načalnik minskaj milicyi Alaksandr Barsukoŭ i sudździ rajonnych sudoŭ Minska.Ličba — 108 čałaviek — uražvaje. Na pieršy pohlad, zdajecca, što na temu sankcyj stolki ludziej nie vykazvałasia, užo nie kažučy pra «pramyja zakliki». Nie vyklučana, što pad hety hrebień pryčešuć usich viadomych praciŭnikaŭ režymu.
Nahadajem, što ŭ paniadziełak Rada ministraŭ zamiežnych spraŭ Jeŭrasajuza pryniała rašeńnie ab pašyreńni śpisu łukašenkaŭcaŭ, na jakich raspaŭsiudžvajucca sankcyi ES.
U adkaz na heta była žorstkaja reakcyja biełaruskaha MZS: rašeńnie ab adklikanni biełaruskich pasłoŭ z Varšavy i Brusela, a taksama rekamiendacyja Polščy i ES adklikać svaich pasłoŭ ź Minska. Pa vynikach ekstranych kansultacyj u Bruseli 28 lutaha było pryniata rašeńnie ab adklikanni ź Minska kiraŭnikoŭ dyppradstaŭnictvaŭ ŭsich krain ES.