Siońnia vyznačycca łaŭreat premii imia Hiedrojca 1

3 sakavika, u Mižnarodny dzień piśmieńnika, budzie vyznačany pieramožca Litaraturnaj premii imia Hiedrojca.

Premija zasnavanaja Sajuzam biełaruskich piśmieńnikaŭ, Biełaruskim PEN-centram, pasolstvam Respubliki Polšča ŭ Respublicy Biełaruś i Polskim Instytutam u Minsku. Premija prysudžajecca za najlepšuju knihu prozy, vydadzienuju ŭ 2011 hodzie.

Abaviazkovaja ŭmova — biełaruskamoŭnaść.

U šort-list uvajšło šeść knih:

Uładzisłaŭ Achromienka «Teoryja zmovy» (Minsk: Łohvinaŭ).

Alhierd Bacharevič «Małaja miedyčnaja encykłapiedyja Bachareviča» (Radyjo Svaboda, sieryja «Biblijateka Svabody. XXI stahodździe»).

Pavał Kaściukievič «Zbornaja Respubliki Biełaruś pa niehałoŭnych vidach sportu» (Minsk: Łohvinaŭ).

Artur Klinaŭ «Šałom: vajenny raman» (Minsk: Łohvinaŭ, sieryja «Kniharnia «Naša Niva»).

Alaksandar Łukašuk «Śled matylka. Osvald u Minsku» (Radyjo Svaboda, sieryja «Biblijateka Svabody. XXI stahodździe»).

Andrej Fiedarenka «Miaža» (Minsk: Litaratura i Mastactva, sieryja «Limaŭski falvarak»).

Supolna biełaruskim i polskim žury budzie abranaja trojka finalistaŭ, ale tolki adzin z aŭtaraŭ atrymaje hałoŭnuju premiju i hrašovy pryz — 105 miljonaŭ rubloŭ.

U žury ŭvachodziać piśmieńniki Uładzimir Arłoŭ i Barys Piatrovič, fiłosaf Valancin Akudovič, krytyki Ludmiła Rubleŭskaja i Marharyta Alaškievič, pierakładčyk i staršynia Polskaha PEN-kłubu Adam Pamorski, dyrektar Polskaha instytutu i Minsku Piotr Kazakievič. Hanarovy staršynia žury — pasoł Polščy ŭ Biełarusi Lešak Šarepka.

Niahledziačy na niaprostuju palityčnuju situacyju i zmušany adjez ź Biełarusi pasła Polščy Lešaka Šarepki, cyrymonija ŭručeńnia premii Hiedrojca adbudziecca, jak i płanavałasia, —

paviedamiŭ radca i pres-sakratar pasolstva Polščy ŭ Biełarusi Pavieł Marčuk. Pavodle jaho słovaŭ, polski bok arhanizataraŭ premii na cyrymonii pradstavić dyrektar Polskaha instytuta ŭ Minsku, radca-pasłańnik Piotr Kazakievič.

Cyrymonija projdzie 3 sakavika, a 17-j u adnym z tvorčych asiarodkaŭ u centry Minska. Uvachod na jaje budzie pa zaprašalnikach. Za cyrymonijaj možna budzie sačyć i praź internet u prostym efiry, z dapamohaj onłajn-tranślacyi, što budzie arhanizavanaja na sajcie radyjo «Svaboda».

SM

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH