Što pryvieźci z Kaziukoŭskaha kirmaša?

4 sakavika adznačajecca dzień pamiaci śviatoha Kazimira, niabiesnaha patrona VKŁ. U Vilni ładzicca vialiki śviatočny kirmaš.

Adkul pajšło śviata?

Śviaty Kazimir byŭ synam karala Kazimira, unukam karala Uładzisłava Jahajły, spadkajemcam vialikakniaskaha i karaleŭskaha stała.

Kazimir pražyŭ tolki 25 hadoŭ, zhinuŭšy, najvierahodniej, ad suchotaŭ 4 sakavika 1583 h. Karalevič vyznačyŭsia nabožnaściu, askietyzmam, dabrynioj. Jaho kananizacyja była i važnaj dziaržaŭnaj spravaj: dahetul Litva, achryščanaja ŭ 1387 dziedam Kazimira, nie mieła ŭłasnaha śviatoha patrona. Dyj dynastyi Jahiełonaŭ heta dadało b značnaści. Praces kananizacyi išoŭ doŭha, Kazimir byŭ abvieščany śviatym tolki u 1604.

Z časam śviatoha Kazimira pačali šanavać usie kataliki VKŁ. I pa-svojsku nazyvali jaho Kaziukom.

Na Kaziuka, pieršaje viesnavoje śviata, śviata kvietak, zdaŭna rabili kirmašy.

U samym centry Vilni Kaziukoŭski kirmaš ładzicca z XVII stahodździa. Tradycyja nie pierapyniałasia i za savieckim časam,

i pajezdka ŭ Vilniu na Kaziuka była dla žycharoŭ prylehłych krain niečym kštałtu padarožža ŭ «sapraŭdnuju» Jeŭropu.

Dzie adbyvajecca?

Sioleta Kaziukoŭski kirmaš pačaŭsia 2 sakavika i praciahniecca da 4-ha. Tradycyjna kirmaš na Kaziuka ładziŭsia na Kafiedralnaj płoščy ŭ Vilni, pierad saboram, u jakim spačyvajuć pareštki śviatoha. U naš čas handlovyja šerahi raściahnulisia pa ŭsim Starym horadzie.

Časam kirmaš zajmaje ŭvieś praśpiekt Hiedymina — ad Kafiedralnaj płoščy da Žvierynaskaha mosta. Doŭha šukać śviata nie daviadziecca — u im udzielničaje ŭvieś horad.

Što pryvieźci?

Samaja ciažkaja prablema dla naviednikaŭ Kaziuka — što nabyć na pamiać.

Ci tradycyjny piernik u formie serca, ci jaki narodny vyrab z hliny, dreva, bisieru… A mo prosta vypić haračaha vina albo kvasu. Adnak što pryjeźci treba abaviazkova, dyk heta znakamityja «kaziuki» — simvał śviata: heta bukieciki z zasušanych kvietak

i travaŭ, vielikodnyja vierby.

Na Kaziukas varta jechać i prosta pa atmaśfieru — bo