Biełaruska Darja Domračava vyjhrała 4 sakavika zołata na čempijanacie śvietu pa bijatłonie (Rupoldynh, Niamieččyna) u pahoni (honcy pieraśledu) na 10 km.
Darja pajšła na dystancyju druhoj praz 15,2 siekundy za Mahdalenaj Nojnier, zrabiła na dystancyi dva promachi (pa adnym na 2-m i 3-m etapach).
Vyrašalnaj stała 4-ja stralba.
Mahdalena Nojnier dvojčy spudłavała, a Daša adstralałasia čysta i vyjšła na dystancyju pieršaj.
Dystancyju biełaruska prabiehła za 29 chvilin 36,6 siekundy. Praŭda, paśla finišu sudździ papsavali niervy biełaruskim zaŭziataram i samoj Darji, pačaŭšy abmiarkoŭvajuć vyniki apošniaj stralby Nojnier, maŭlaŭ, nie spracavała elektronika i Mahdalena daremna biehła druhoje štrafnoje koła...
Precedent byŭ u samaj pieršaj honcy čempijanatu śvietu 1 sakavika, dzie aŭtamatyka nie spracavała i adpraviła Ole-Ejnara Bjorndalena na štrafnoje koła. Potym pieramohu addali narviežcam.
Ale, zdajecca, usio narmalna. Darja -- pieršaja. Heta pieršaje zołata biełarusaŭ za ŭsiu historyju suvierennaha sportu na čempijanatach śvietu.
Nahadajem, što ŭ subotu Darja vyjhrała srebra ŭ spryncie 7,5 km.
Siońnia ŭ mužčynskaj pahoni na 12,5 km pieramoh francuz Marten Furkad, jaki ŭčora vyjhraŭ zołata ŭ spryncie (33.39,4 1+1+0+2). Biełarus Siarhiej Novikaŭ finišavaŭ 25-m, adstaŭšy ad Furkada na 1 chvilinu 54,5 siekundy (0+2+0+0).
***
6 sakavika projdzie indyvidualnaja honka na 20 km u mužčyn, a 7 sakavika na 15 km u žančyn.
