Pasiaŭnaja sioleta moža pačacca paśla 20 sakavika 2

Pasiaŭnaja sioleta moža pačacca paśla 20 sakavika. Ab hetym na pres-kanfierencyi paviedamiŭ hałoŭny navukovy supracoŭnik RUP «Navukova-praktyčny centr NAN Biełarusi pa ziemlarobstvie» Stanisłaŭ Hryb.

Pry hetym jon adznačyŭ, što taki prahnoz zrobleny dla paŭdniova-zachodniaj častki krainy, u centralnaj častcy siaŭbu płanujecca pačać u pieršaj dekadzie krasavika, u paŭnočna-ŭschodniaj — u siaredzinie krasavika. «Ja dumaju, terminy buduć prykładna takimi», — skazaŭ Hryb.

Hałoŭny navukovy supracoŭnik padkreśliŭ, što dakładny prahnoz dać składana. «Sprahnazavać dalej čym na try dni niemahčyma. Pa miery nastupleńnia stanoŭčaj tempieratury plus 5 hradusaŭ na hłybini raźmiaščeńnia nasieńnia my i rekamiendujem pačynać siaŭbu: nie raniej i nie paźniej», — skazaŭ Hryb. Pavodle jaho słoŭ, vučonyja sioleta raspracavali technałahičnyja rehłamienty, u jakich «dakładna vyznačyli ŭsie technałahičnyja apieracyi».

Hryb adznačyŭ, što sioleta «prahnoz pa pierasiavańni zbožžavych kultur aptymistyčny: takoha pierasiavańnia, jakoje było letaś, nie pradbačycca».

Što da azimaha rapsu, to ŭsio budzie zaležać ad nadvorja. Kali buduć nizkija tempieratury, to mohuć być paškodžańni rapsu. «Ich možna papoŭnić za košt pasievu jaravoha rapsu», — patłumačyŭ vučony.

Pradstaŭnik Navukova-praktyčnaha centra NAN Biełarusi pa ziemlarobstvie taksama adznačyŭ, što «asablivaść padrychtoŭki da siaŭby sioleta zaklučajecca ŭ tym, što zima nastupiła pozna i była chałodnaj». Pavodle jaho infarmacyi, pa paŭdniovym zachadzie krainy pali ŭžo vyzvalilisia ad śniehu. Pry hetym Hryb padkreśliŭ, što šmat było zroblena vosieńniu minułaha hoda: svoječasova ŭźniata ziabliva, u aptymalnyja terminy pasiejany azimyja, i «ich stan vielmi dobry».

Śpiecyjalist zajaviŭ, što jość dastatkovy fond nasiennaha materyjału, pa hrafikach pravodzicca ramont techniki, zabiaśpiečanaść kalijnymi ŭhnajeńniami składaje 100%, fosfarnymi i azotnymi — pa 30%.

Jon adznačyŭ prablemu z nasieńniem zierniebabovych. Pry patrebie ažyćciavić siaŭbu na 250 tys. ha nasieńnia chopić na 185 tys. ha. Viaducca pieramovy pa zakupcy ich u Rasii i va Ukrainie.

Hryb paviedamiŭ, što sioleta zapłanavana atrymać vałavy zbor zbožžavych u 8,8 młn. ton pry siaredniaj uradžajnaści 38 c/ha.

«U mianie jość padstavy ličyć, što zadačy, pastaŭlenyja pierad halinoj raślinavodstva, u asnoŭnym vykanalnyja i realnyja ŭ vypadkach, kali nie budzie ekstremalnych umoŭ nadvorja, a jany ŭ nas, na žal, sustrakajucca davoli časta: asabliva karotkačasovyja zasuchi ŭ pieryjad rostu raślin», — skazaŭ hałoŭny navukovy supracoŭnik.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH