Z byłym kandydatam u prezidenty, lidaram hramadzianskaj kampanii «Jeŭrapiejskaja Biełaruś» Andrejem Sańnikavym 7 sakavika sustreŭsia advakat, paviedamiła žonka palityka Iryna Chalip.
Pavodle jaje słoŭ, advakat i Sańnikaŭ abmiarkoŭvali «vyklučna jurydyčnyja pytańni».
«Andrej nie moža ničoha skazać ni pra ŭmovy ŭtrymańnia, ni pra stan jaho zdaroŭja, bo sustreča z advakatam prachodzić pry ŭmovach žorstkaj maderacyi z boku supracoŭnikaŭ kałonii.Tamu pra jaho stanovišča ja pakul nie viedaju», — skazała Chalip.
Jana adznačyła, što atrymała list ad Sańnikava. «List karotki, ale bolšy za papiaredni.
Sańnikaŭ prosić pavinšavać ad jaho imia žančyn z 8 Sakavika i adznačaje, što ŭ turmie jašče raz pierakanaŭsia ŭ tym, što biełaruskija žančyny — samyja pryhožyja, samyja addanyja. I samyja lepšyja»,— paviedamiła Chalip.
***
Nahadajem, u mai 2011 hoda Andrej Sańnikaŭ byŭ pryhavorany da piaci hadoŭ pazbaŭleńnia voli ŭ kałonii ŭzmocnienaha režymu pavodle abvinavačańnia ŭ arhanizacyi masavych biesparadkaŭ 19 śniežnia 2010 hoda. Adbyvać pakarańnie jon pavinien byŭ u kałonii Navapołacka (Viciebskaja vobłaść), adnak palityka niekalki razoŭ pieravodzili ŭ inšyja kałonii.
U kancy studzienia stała viadoma, što Sańnikaŭ napisaŭ prašeńnie ab pamiłavańni. Pavodle słoŭ Chalip, jano było napisana jašče 20 listapada minułaha hoda pad uździejańniem katavańniaŭ. U MUS śćviardžajuć, što prašeńnie Sańnikaŭ napisaŭ 23 śniežnia, i praź miesiac, 23 studzienia, administracyja kałonii