Mižnarodnaja kanfierencyja, pryśviečanaja aktualnym prablemam archieałohii, etnałohii i kulturnaj antrapałohii va Uschodniaj i Centralnaj Jeŭropie adbudziecca ŭ Hrodzienskim dziaržuniviersitecie imia Ja.Kupały 12–13 sakavika,paviedamili ŭ centry masavych kamunikacyj VNU.
U navukovym forumie prymuć udzieł studenty i vykładčyki ŭniviersitetaŭ Biełarusi i Polščy. Na pasiadžeńniach płanujecca abmierkavać prablemy raźvićcia archieałahičnaj i etnałahičnaj navuk na sučasnym etapie ŭ dźviuch krainach. Buduć pradstaŭleny vyniki archieałahičnych i etnahrafičnych ekśpiedycyj za apošnija hady (u tym liku — sumiesnych), namiečany pierśpiektyvy dalejšaha supracoŭnictva.
Taksama budzie praviedzieny kruhły stoł pa pytańniach vykładańnia hetych dyscyplin u VNU dźviuch krain. Vykładčyki i vučonyja zmohuć abmianiacca vopytam, vypracavać šlachi ŭdaskanaleńnia padrychtoŭki śpiecyjalistaŭ u hetych napramkach histaryčnaj navuki.
Jak paviedamili ŭ HrDU, u čas mierapryjemstva zapłanavana vialikaja kulturnaja prahrama — naviedvańnie archieałahičnych ekspazicyj hrodzienskich muziejaŭ, ekskursii ŭ inšyja biełaruskija harady i pasiołki. Buduć pravodzicca
