Nasupierak napružanym adnosinam Biełarusi i Jeŭrasajuza litoŭskaja sietka roźničnaha handlu Maxima rychtujecca adkryć pieršuju kramu ŭ našaj krainie. Dazvoł Minharvykankama ŭžo atrymany.
Pieršym stanie supiermarkiet na skryžavańni vulic Bahdanoviča i Šyrokaj u Minsku.Jon nie budzie hihanckaj kramaj — handlovaja płošča składzie 1500 kvadratnych mietraŭ, heta ŭ niekalki razoŭ mienš za «Karonu» ci «Bihz». Ale nieŭzabavie musiać źjavicca i inšyja kramy. Ich dakładnyja adrasy ŭ Minharvykankamie nie ŭdakładniajuć.
Kramy Maxima uvachodziać u hrupu kampanij Vilniaus prekyba («Vilenski handal»), 60% akcyj jakoj naležać najbahaciejšamu litoŭcu Nieryjusu Numavičusu. Jahonaje bahaćcie, pa roznych acenkach, dachodzić da $1 miljarda. Kramami achoplenaja ŭsia Bałtyja, ale patrochu litoŭcy zavajoŭvajuć i inšyja rynki. Niekalki hadoŭ tamu jany kupili miascovuju sietku kramaŭ u Bałharyi, a sioleta ŭvajšli i polski rynak.
Hipiermarkiet «Akropalis», u jaki štovychodnyja pryjazdžajuć tysiačy biełarusaŭ, taksama majomaść Numavičusa.
U zaležnaści ad pamieru handlovaha abjekta litoŭcy dadajuć da nazvy kramy sufiks —
ŭ Homieli ŭžo isnuje miascovaja krama Maxima.
Litoŭskija biznesoŭcy — ledź nie adzinyja pradstaŭniki Jeŭrasajuza, jakija paśpiachova pracujuć na rynku roźničnaha handlu ŭ Biełarusi. Samaj bahataj
Jaje kampanija «Styma» vałodaje kramami «Susiedzi» i «Ściažynka» (ahułam kala 30 abjektaŭ), piceryjami «Pica Tempa» i restaranami biełaruskaj kuchni «Vasilki».Aproč taho, litoŭka kantraluje kampaniju «Frutimpart», jakaja zajmajecca pastaŭkami sadaviny i harodniny ŭ Biełaruś.
Budaŭničyja kramy «Oma», raskidanyja ŭ Minsku, Homieli, Babrujsku i Baranavičach, taksama naležać litoŭcam. Ich uładalniki — braty Aŭhustynas i Arturas Rakaŭskasy. Jany ŭznačalvajuć kampaniju Senukai, u jakoj, aproč litoŭskaha, krucicca jašče i finski kapitał.
