U lipieni ŭ Biełarusi pačniecca sieryjny vypusk dziciačych padhuzkaŭ 6

U lipieni ŭ Biełarusi pačniecca sieryjny vypusk ajčynnych dziciačych padhuzkaŭ,

paviedamiŭ prem`jer-ministr Michaił Miaśnikovič 14 sakavika padčas naviedvańnia zamiežnaha pradpryjemstva «BiełEmsa». Tut i budzie arhanizavana vytvorčaść srodkaŭ asabistaj hihijeny.

Heta budzie pieršaja ŭ krainie sučasnaja vytvorčaść pa vypusku padhuzkaŭ.

Čakajecca, što tut štohod buduć vypuskać 112 młn. štuk hetaj pradukcyi, paviedamlaje pres-słužba ŭrada.

Pavodle słoŭ Miaśnikoviča, patrebnaści Biełarusi ŭ hetaj pradukcyi aceńvajucca ŭ 100 młn. štuk u hod.

Płanujecca, što novaja pradukcyja budzie pastaŭlacca na ŭnutrany rynak i na ekspart. Jak adznačyŭ Miaśnikovič, zapusk vytvorčaści budzie spryjać źnižeńniu cen na padhuzki na biełaruskim rynku.

Jak paviedamiŭ žurnalistam namieśnik dyrektara pradpryjemstva «BiełEmsa» Siarhiej Čorny, inviestycyi ŭ budaŭnictva novaha zavoda aceńvajucca bolš jak u 4 młn. jeŭra. «My raźličvajem prykładna 80% vyrablenaj pradukcyi pastaŭlać na rasijski rynak», — skazaŭ jon.

Sučasnaja linija dla vypusku hetaj pradukcyi italjanskaj vytvorčaści pavinna pastupić na zavod u kancy sakavika — pačatku krasavika.

Čakajecca, što ŭ mai buduć vypuščany pieršyja partyi dziciačych padhuzkaŭ, a ŭ lipieni pačniecca ich sieryjnaja vytvorčaść.

Zasnavalnik pradpryjemstva «BiełEmsa» Asman Učar u svaju čarhu adznačyŭ, što «ŭ Biełarusi stvarajucca spryjalnyja ŭmovy dla pryciahnieńnia zamiežnych inviestycyj». Hety inviestar užo pabudavaŭ u Mahilovie tekstylnuju vytvorčaść i zavod pa vypusku bietonu. Nastupny prajekt — zavod pa vytvorčaści padhuzkaŭ.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH