Paviedamiŭ na
«Siońnia ŭ Minsku nazirajecca vielmi vialikaja jamačnaść, jakuju možna acharaktaryzavać jak krytyčnuju. Usie rajonnyja arhanizacyi „Ramaŭtadara“ i sam „Harramaŭtadar“ zaraz pracujuć u aŭralnym režymie — z padoŭžanym dniom, u vychadnyja i śviatočnyja dni. Likvidujem hetuju krytyčnuju jamačnaść», — skazaŭ Hlinski.
Jon rastłumačyŭ, što krytyčnaj jamačnaść ličycca pry hłybini vyboiny bolš jak 5 sm.Jamy ŭ pieršuju čarhu likvidujucca ŭ centry horada, a taksama na karkasnych vulicach u kožnym rajonie.
Układka asfaltu na adnym kvadratnym mietry pry likvidacyi jam na darohach kaštuje kala 220 tysiač rubloŭ, paviedamiŭ Hlinski. Pavodle jaho słoŭ, sioleta nieabchodna budzie zaraŭniać jamy na płoščy 66 tys. kv. m, užo vykanany raboty na płoščy 5,5 tys. kv. m.
Na hety ramont i ŭtrymańnie vulic sioleta vydzielena kala 225 młrd. rubloŭ, ź jakich kala 70 młrd. užo asvojeny, paviedamiŭ hiendyrektar.
Kapitalna płanujecca adramantavać 14 vulic — stolki ž, kolki i letaś.Siarod takich abjektaŭ jon nazvaŭ vulicy Bielskaha, Pinskuju, Husoŭskaha, Bahdanoviča, Charužaj i płošču Ja.Kołasa. Na kapitalny ramont vydzielena 130 młrd. rubloŭ.
Pry kapitalnym ramoncie, zaznačyŭ hiendyrektar, vykarystoŭvajecca asfalt pavyšanaj defarmacyjnaj ustojlivaści, u vytvorčaści jakoha prymianiajucca śpiecyjalnyja dabaŭki. «Kali letaś hetyja kampanienty my kuplali za miažoj, to zaraz jany vyrablajucca na našym zavodzie „Makradar“, ich košt na 25–30% nižejšy za hiermanski anałah», — zaŭvažyŭ Hlinski.
Jon taksama paviedamiŭ, što ciapier prachodzić abśledavańnie praśpiektaŭ Pieramožcaŭ i Niezaležnaści. U 2013 hodzie tut častkova budzie zamieniena darožnaje pakryćcio i ŭkładziena tratuarnaja plitka.
