Admova ad siłavoha scenaru — kluč da ŭrehulavańni roznahałośsiaŭ pamiž Biełaruśsiu i Jeŭrasajuzam. Pra heta zajaviŭ načalnik upraŭleńnia infarmacyi —
Aficyjny pradstaŭnik źniešniepalityčnaha viedamstva padkreśliŭ: «uzajemaprymalnaje ŭrehulavańnie isnujučych roznahałośsiaŭ — heta adzina razumny šlach. Heta adpaviadaje intaresam nie tolki Biełarusi, ale i Jeŭrasajuza.
Hałoŭnaje pytańnie: jak heta realizavać? Całkam vidavočna, što pačać ruch pa hetym šlachu možna tolki praź źnižeńnie intensiŭnaści supraćstajańnia».
Pry hetym Andrej Savinych adznačyŭ:
«Pierš za ŭsio treba spynić praktyku pastajannaha pašyreńnia sankcyj z boku ES.I sprava zusim nie ŭ tym, ci majuć sankcyi efiekt. Važna, što hetaja praktyka vyklučaje mahčymaść asensavanaha i racyjanalnaha zbližeńnia pazicyj.
Kali adzin bok viadzie aktyŭnyja siłavyja dziejańni, lubyja namahańni inšaha boku pa deeskałacyi napruhi stanoviacca naŭrad ci mahčymymi, jak, zrešty, i viartańnie pasłoŭ.Treba prosta ŭśviedamlać heta. Admova ad naviazvańnia siłavoha scenaru istotna mianiaje situacyju. U hetym vypadku ŭźnikajuć pieradumovy dla vyrašeńnia ŭsiaho kompleksu pytańniaŭ» .
«Kali kazać adkryta, to heta adziny šlach. Biełaruś — prychilnica mienavita takoha šlachu.
Jaki budzie vybar ES, pakažuć jaho dziejańni. Mahu skazać, što, vystupajučy za ŭrehulavańnie, my hatovyja da lubych scenaroŭ», — zajaviŭ načalnik upraŭleńnia infarmacyi MZS Biełarusi,-- paviedamlaje BiełTA.
***
Nahadajem, što ŭ piatnicu
23 sakavika Rada ministraŭ Jeŭrasajuza budzie vyrašać, što rabić u situacyi, kali biełaruskija palitviaźni zastajucca ŭ turmach, a Minsk uziaŭ kurs na absłuhoŭvańnie Maskvy. Minsk pahražaje žorstkimi zachadami ŭ adkaz: mahčyma, vychadam z Uschodniaha Partniorstva i likvidacyjaj zachodnich biznesaŭ u Biełarusi.
Akramia taho, unutry krainy stvorany śpis zakładnikaŭ sa 108 dziejačoŭ hramadstva i kultury. Peŭny čas zdavałasia, što łukašenkaŭcy šukajuć vajny, a nie miru. Adnak u apošni tydzień stała viadoma, što pieramovy na dypłamatyčnym uzroŭni ŭsio ž viaducca. Na ich zaviaršeńnie zastajecca ŭsiaho niekalki dzion.