Heta praduhledžana pastanovaj Savieta ministraŭ № 248 ad 20 sakavika 2012 hoda.
Jak paviedamlaje
Minfin i Minenierha ŭ adpaviednaści ź ich kampietencyjaj buduć vykonvać funkcyi ŭpaŭnavažanych orhanaŭ urada Biełarusi, adkaznych za realizacyju hetaha pahadnieńnia.Paŭnamoctvy na absłuhoŭvańnie rasijskaha dziaržaŭnaha ekspartnaha kredytu dadzienyja AAT «Biełźniešekanambank».
Zhodna z pastanovaj, u abaviazki Minfina ŭvachodzić ažyćciaŭleńnie vypłaty pracentaŭ, asnoŭnaha doŭhu, kamisij za absłuhoŭvańnie akredytyvaŭ, a taksama inšych płaciažoŭ pa kredycie za košt srodkaŭ, praduhledžanych u respublikanskim biudžecie na biahučy i nastupnyja finansavyja hady dla absłuhoŭvańnia i pahašeńnia źniešniaha dziarždoŭhu.
Minfin taksama abaviazany dać dziaržustanovie «Dyrekcyja budaŭnictva atamnaj elektrastancyi» srodki kredytu, atrymanaha ŭ adpaviednaści ź mižuradavym pahadnieńniem, u pamiery da 10 młrd. dołaraŭ dla finansavańnia 90% koštu kožnaha dahavora (kantrakta) pamiž ZAT «Atambudekspart» (Rasija) i DU «Dyrekcyja budaŭnictva atamnaj elektrastancyi»: na pastaŭku tavaraŭ; vykanańnie rabot i akazańnie pasłuh nazvanym ZAT z metaj budaŭnictva dvuch enierhabłokaŭ atamnaj elektrastancyi na terytoryi Biełarusi. Minfin pavinien zaklučyć z hetaj ustanovaj, Minenierha i AAT «Biełźniešekanambank» dahavor ab paradku vykarystańnia i pahašeńnia kredytu.
Ministerstvu enierhietyki daručana zabiaśpiečyć realizacyju Dyrekcyjaj budaŭnictva AES hetych kantraktaŭ, a taksama viartańnie hetaj ustanovaj u respublikanski biudžet płaciažoŭ pa kredycie z 1 krasavika 2021 hoda pa 31 śniežnia 2035 hoda ŭ valucie kredytu zhodna z hrafikam, zaćvierdžanym Minfinam.
Minenierha, akramia taho, abaviazana sumiesna ź ministerstvami ekanomiki i finansaŭ ažyćciaŭlać kantrol metavaha vykarystańnia i svoječasovaha pahašeńnia kredytu Dyrekcyjaj budaŭnictva AES.
