Cviatkavańnie Dnia Voli — heta publičny ahulnanacyjanalny ŭrok historyi, plebiscyt biełarusaŭ na viernaść pamiaci prodkaŭ, najvyšejšaja prajava siły biełaruskaha duchu i prahi da svabody.
Lubaja forma adznačeńnia hetaha Śviata — hodnaja i patrebnaja.
Ale tolki ŭ supolnym paryvie, tałakoj, biełarusy patraplajuć rabić bolš i najlepš, dasiahać amal niemahčymaha.
Asabliva važnym jość šanavańnie našaha Śviata siońnia — u varunkach dyktatury i dziaržaŭnaha pieraśledu
Śviatkavać Dzień Voli — • heta vinšavać blizkich i siabroŭ;
• heta azdobić nacyjanalnymi simvałami dom, mašynu, vopratku;
• heta ŭšanavać pamiać hierojaŭ Biełarusi;
• heta prajavić salidarnaść ź siońniašnimi zmaharami, asabliva z tymi, chto, jak Źmicier Daškievič, Siarhiej Kavalenka, Mikoła Statkievič, Andrej Sańnikaŭ, Pavieł Sieviaryniec dy inšyja palitviaźni, niespraviadliva kinuty za kraty turmaŭ;
• heta ładzić admysłovyja vystavy, čytańni i kanfierencyi;
• heta sabracca za śviatočnaj biasiedaj;
• heta razmaŭlać na movie prodkaŭ i pisać dyktoŭki pa nieŭmiručych tekstach;
• heta źbiracca na mitynhi i iści šeściami pa vulicach haradoŭ, miastečak dy viosak.
Ideały Biełaruskaj Narodnaj Respubliki — vielmi aktualnyja dla nas siońnia i buduć takimi nadalej. Nam śled budavać sapraŭdy Biełaruskuju i sapraŭdy Narodnuju Respubliku, našu krainu, dzie my haspadary. BNR — nie prosta simvał, a alternatyva RB. Kaštoŭnaść niezaležnaści — absalutnaja dla volnaha narodu. Naša dziaržaŭnickaja tradycyja i namahańni, zroblenyja dziela jejnaha adnaŭleńnia i zachavańnia, — unikalnyja.
Biełaruś žyvie i budzie žyć tady, kali jana nie tolki žyvie, ale i dynamična raźvivajecca, stvaraje najlepšyja ŭmovy dla samarealizacyi svaich hramadzianaŭ, šanuje svaju movu, kulturu i znachodzić parazumieńnie siarod susiedziaŭ.
Biełarusy!
Zhadajma, jak biahuć murašy pa skury paśla mahutnaha vokliču «Žyvie Biełaruś»!
Zhadajma, jak trymcić serca ad honaru za vielična ŭźniaty
Kamu, jak nie nam, abaraniać našu niezaležnaść, svabodu, movu i prava na hodnaje žyćcio!
Minčuki!
My majem šaniec vyjści ŭ Dzień Voli na hałoŭny praśpiekt stalicy, kab prademanstravać našu pašanu da historyi i rašučaść dziela budučyni.
Budźma ž razam 25 sakavika, a 13:30 na Akademii Navuk! Chaj naš ściah łunaje nad hałovami i natchniaje nas na lepšaje.
Žyvie Biełaruś!