U najbolš masavych miescach nierastu sudaka 1 krasavika zabaraniajecca amatarskaja łoŭla hetaj ryby i vykarystańnie śpininha. Adpaviednaja pastanova pryniata Ministerstvam pryrodnych resursaŭ i achovy navakolnaha asiarodździa, paviedamiła načalnik adździeła infarmacyi i suviaziaŭ z hramadskaściu —
Zabarona budzie dziejničać da 30 maja. Jana vyklikana žadańniem praduchilić uron papulacyi sudaka, jaki nanosić rybnaja łoŭla ŭ pieryjad nierastu. Achoŭvajučy ikru i ličynak ad voraha, sudak aktyŭna kidajecca na luby pradmiet, jaki źjaŭlajecca kala hniazda, u tym liku na blešni. U vyniku vytvorcy sudaka traŭmujucca i nie mohuć aktyŭna achoŭvać ikru i malavak, śmiarotnaść asobinaŭ hetaha vidu pavialičvajecca.
Zabarona na amatarskuju łoŭlu sudaka i amatarskaje rybałoŭstva z vykarystańniem śpininha ŭstanoŭlena,u pryvatnaści, u Łuninieckim rajonie Bresckaj vobłaści na praciahu 2,5 km uvierch pa Mikaševickim kanale ad miesca jaho ŭpadzieńnia ŭ raku Prypiać i na Prypiaci na adlehłaści 500 m uvierch i ŭniz pa ciačeńni raki ad miesca ŭpadzieńnia ŭ jaje Mikaševickaha kanała.
U Hrodzienskim rajonie amatarskaja łoŭla ryby zabaroniena na Aŭhustoŭskim kanale ad šluza kala vioski Niemnava da miesca ŭpadzieńnia kanała ŭ raku Nioman; u pojmiennych vadajomach Niomana, takich jak Kiełbaskaja zatoka kala vioski Kiełbaski i Bieražanskaja zatoka kala vioski Bieražany. U Mastoŭskim rajonie Hrodzienskaj vobłaści zakryty dla rybałoŭstva pojmiennyja vadajomy raki Nioman: voziera Stary
U Mahilovie i Mahiloŭskim rajonie — na ŭčastku raki Dniapro i sumiežnych pojmiennych vadajomach u miežach ad vodazabora TAA «Mahiloŭski aŭtamabilny zavod imia Kirava» da vuścia raki Dziebra.
Jak adznačyła Pieniaź, nazvanyja ŭ pastanovie ŭhodździ źjaŭlajucca miescami najbolš masavaha nierastavańnia sudaka. Tut štohod u pieryjad viasnovaha nierastu źbirajecca vialikaja kolkaść rybałovaŭ, jakija masava vyłoŭlivajuć sudaka i tym samym padryvajuć papulacyju hetaha vidu.
