Čarhovaje parušeńnie Mikoła nibyta ździejśniŭ padčas znachodžańnia ŭ ŠIZA (z 12 da 17 sakavika). Jano było ŭ tym, što jon nibyta drenna prybiraŭ pamiaškańnie karcara. Za hety jaho ŭ čarhovy raz pazbavili nastupnaj pieradačy, jakaja była zapranavanaja na maj. Ciapier bližejšaja pieradača maje być tolki vosieńniu.
Nahadajem, što Mikałaju Dziadku naležyć 4 praduktovyja pieradačy na hod pa 30 kh kožnaja. Adnu pieradaču jamu ŭžo nie dazvolili pieradać u kastryčniku. Ciapier jamu dazvolena kuplać pradukty i pradmiety hihijeny na 35 000 u miesiac. Darečy, apošni raz źniavolenyja PK-15 jaduć u 17.00.
27 maja 2011 hoda Dziadka asudzili pa spravie anarchistaŭ razam ź Iharam Alinievičam i Alaksandram Franckievičam. Ich abvinavacili ŭ arhanizacyi antymilitarysckaha šeścia kala budynka Minabarony, napadzie na kazino «Šanhry Ła» i izalatar na Akreścina, padpale dźviarej filijała «Biełarusbanka», napadzie na rasijskaje pasolstva.
Dziadok atrymaŭ 4,5 hoda pazbaŭleńnia voli ŭ kałonii ŭzmocnienaha režymu. Adbyvaje pakarańnie ŭ Mahiloŭskaj kałonii № 15. Za kratami ažaniŭsia.
