Bałharyja i Rasieja padpisali damovu pra budaŭnictva AES bolš jak piać hadoŭ tamu, adnak hienieralny kantrakt tak i nie byŭ padpisany.
Prajekt «Bielenie» praduhledžvaŭ budaŭnictva AES z dvuma błokami sumarnaj mahutnaściu da 2 tysiač miehavat. Hienieralnym padradčykam vystupaŭ rasijski «Atomstrojeksport». Pavodle bałharskaha premjera, kraina zapłacić za ŭžo hatovy pieršy reaktar i ŭstanović jaho da tych, što ŭžo pracujuć na pieršaj i adzinaj bałharskaj atamnaj stancyi «Kazładuj».
Asnoŭnaj pryčynaj admovy ad rasiejskaha prajektu bałharskija ŭłady nazyvajuć jaho darahoŭlu — budaŭnictva mahło b kaštavać kala 7 miljardaŭ dalaraŭ. Kiraŭnik «Rosatamu» (kudy ŭvachodzić «Atomstrojeksport») Siarhiej Kiryjenka zajaviŭ, što sumniajecca ŭ metazhodnaści ŭstanoŭki reaktara na «Kazładuj». Pavodle jaho, heta zojmie ad 5 da 7 hadoŭ.
