Lidar partyi «Baćkaŭščyna» eks-premjer Ukrainy Julija Cimašenka zaklikała adnapartyjcaŭ abjadnacca ź inšymi apazicyjnymi partyjami dla pieramohi na parłamienckich vybarach u kastryčniku.
«Adziny śpis — adzinaja pieramoha!», — havorycca ŭ zvarocie Cimašenki da delehataŭ ekstranaha źjezda partyi. List eks-premjera, jakaja adbyvaje siamihadovaje pakarańnie pa «hazavaj spravie» ŭ charkaŭskaj kałonii, začytaŭ adzin z kiraŭnikoŭ partyi Alaksandr Turčynaŭ.
U «Baćkaŭščynie» nie chavajuć, što hałoŭnym vynikam źjezda moža stać zajava ab farmiravańni adzinaha pieradvybarčaha śpisu z «Frontam pieramienaŭ».
Vybary ŭ Viarchoŭnuju Radu pryznačanyja na 28 kastryčnika sioleta i projduć pavodle źmiešanaj sistemy: pałovu miescaŭ u parłamiencie zojmuć deputaty, abranyja ŭ mažarytarnych akruhach, jašče pałovu — abranyja pavodle partyjnych śpisaŭ.
0
0
0
0
0
0