U piatnicu ŭ Varšavie adbyŭsia ŭračysty źjezd vypusknikoŭ stypiendyjalnaj prahramy polskaha ŭrada imia Kastusia Kalinoŭskaha z nahody šostych uhodkaŭ prahramy.
Va ŭračystaściach uziali ŭdzieł pradstaŭniki kiraŭnictva Varšaŭskaha ŭniviersiteta, MZS Polščy, pasły krainaŭ ES, a taksama były prem'
Mienavita Marcinkievič i Milinkievič razam z rektarami šerahu polskich VNU uračysta padpisali 30 sakavika 2006 hoda dekłaracyju ab stvareńni prahramy imia Kalinoŭskaha dla biełaruskich studentaŭ, jakijaz-za pieraśledu ŭładaŭ nie mohuć atrymać vyšejšuju adukacyju va ŭłasnaj krainie.
«My ŭdziačnyja polskamu narodu za dapamohu i spryjańnie biełarusam u ciažkija časy niavoli i vierym, što hramadzianskaja adkaznaść jeŭrapiejskich biełarusaŭ dazvolić nakiravać kurs raźvićcia našaj Baćkaŭščyny ŭ jeŭrapiejskaje rečyšča», — skazaŭ Alaksandr Milinkievič.
U miežach prahramy Kalinoŭskaha (najbujniejšaj u Jeŭropie prahramy dapamohi maładym biełarusam) u roznych VNU Polščy vučylisia i praciahvajuć atrymlivać adukacyju bolš za 600 biełarusaŭ, što paciarpieli ad palityčnaha pieraśledu. Adukacyja dla ich biaspłatnaja, vypłačvajucca taksama stypiendyi, apłačvajecca strachoŭka.
