Karespandent EUobserver spasyłajecca na krynicy ŭ dypłamatyčnych kołach. Rašeńnie pra viartańnie pasłoŭ u Minsk było pryniata na pačatku hetaha tydnia pry začynienych dźviarach.
Jak paviedamiŭ bruselskamu žurnalistu pasoł adnoj z krain ES, jon pakul jon nie atrymaŭ ukazańniaŭ, adnak, pažartavaŭ jon, «inšałła, čakaje ich u paniadziełak 2 krasavika».
Pavodle surazmoŭcaŭ EUobserver, viartańnie kiraŭnikoŭ jeŭrapiejskich zamiežnapalityčnych misijaŭ u Biełaruś nie treba «razhladać jak palityčny padarunak: ES hatovy ŭvieści novyja sankcyi, kali situacyja nie palepšaje».
Taksama vykazanaje mierkavańnie, što prysutnaść ambasadaraŭ «dapamahaje bolš efektyŭna pracavać u Biełarusi».
Inšy dypłamat zaznačyŭ, što pasły viernucca tolki kali Łukašenka budzie pavodzić siabie pravilna. I ŭdakładniŭ, što heta ŭźnimaje pytańnie, što značyć pravilna.
Adznačajecca, što pasły nie viernucca ŭ Biełaruś, kali, nie daj boh, pamre palitviazień-haładoŭnik Siarhiej Kavalenka.
