Biełaruś pieršaja pa rostu spažyvieckich cenaŭ siarod krain byłoha SSSR 1

Biełaruś zaniała pieršaje miesca siarod krain — respublik byłoha SSSR pa roście spažyvieckich cenaŭ u studzieni-lutaha 2012 hoda da śniežnia 2011-ha (3,5%).

Pra heta śviedčyć praviedzieny BiełaPAN analiz dadzienych nacyjanalnych orhanaŭ statystyki. U studzieni Biełaruś była druhoj paśla Armienii (1,9% suprać 3,6%).

Pa vynikach dvuch miesiacaŭ hetaha hoda ŭ Armienii košty pavialičylisia na 2,6%, u Estonii — na 1,1%, Łatvii — na 1%, Kyrhyzstanie, Małdovie i Rasii — na 0,9%, Hruzii, Kazachstanie i Litvie — na 0,7%, Tadžykistanie — na 0,6%, Ukrainie — na 0,4%, Azierbajdžanie — na 0,2%.

Apošnija źviestki pa Uźbiekistanie i Turkmienistanie tyčacca vynikaŭ 2011 hoda (rost cenaŭ na 5,3 i 7,6% adpaviedna).

U lutym ceny ŭ Biełarusi vyraśli na 1,5% — pieršaje miesca. Dalej iduć Małdova (0,6%), Kazachstan, Litva, Rasija, Estonija (pa 0,4%),

Hruzija, Tadžykistan i Ukraina (pa 0,2%), Azierbajdžan, Kyrhyzstan i Łatvija (pa 0,1%) . U Armienii košty źnizilisia na 0,9%.

U 2011 hodzie Biełaruś zaniała pieršaje miesca siarod krain — respublik byłoha SSSR pa roście spažyvieckich cen (108,7%).

Za try tydni sakavika 2012 ceny pavysilisia na 1,5%, z pačatku hoda — na 5,1%.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH