Hetaja pratestanckaja supolnaść była zarehistravanaja ŭ 1995 h., ale paśla pryniaćcia zakonu "Ab svabodzie sumleńnia" straciła jurydyčny status. Pryčynaj admovy było toje, što carkva była zarehistravanaja pa miescy žycharstva adnaho ź viernikaŭ.
Letam 2004 h. uźnikli novyja prablemy: padčas praviadzieńnia bahasłoŭskaj kanferencyi ŭ budynku carkvy byŭ učynieny pieratrus - milicyja šukała "amerykancaŭ, jakija niezakonna prapaviedujuć". Inšaziemcaŭ znajści nie ŭdałosia, ale ŭ prysutnych byli pierapisanyja pašpartnyja źviestki, a na kiraŭnictva supołki skłali pratakoł.
"Ułada imkniecca zapužać ludziej i spynić rost evanhielskich cerkvaŭ, - adznačyŭ pierad sudom pastar H.Viazoŭski. - Siońniašniaja dziaržava choča kantralavać dušy i razhladaje carkvu jak svoj idealahičny adździeł. Našaje paklikańnie - heta vykonvać zapaviet Chrysta "idzicie i navučycie ŭsie narody", a heta značyć - prapaviedavać, pravodzić evanhielizacyju".
Niekatoryja pratestanckija lidery adznačajuć, što sytuacyja pačynaje nahadvać 1970-ja hady.
