Pasolstva Vieniesueły adkryłasia ŭ Minsku (vuł. Čyrvonaarmiejskaja, 22). Pra heta karespandentu BIEŁTA paviedamiŭ Časovy Pavierany ŭ spravach Balivaryjanskaj Respubliki Vieniesueła ŭ Biełarusi Amieryka Dyjas Nuńjes.
Dypłamat pierakanany, što 2007 hod budzie klučavym u raźvićci biełaruska‑vieniesuelskaha supracoŭnictva. Ciapier realizujucca damoŭlenaści, dasiahnutyja ŭ čas aficyjnaha vizitu ŭ Biełaruś u lipieni 2006 hoda prezidenta Balivaryjanskaj Respubliki Vieniesueła Uha Čaviesa. Baki damovilisia ab stvareńni stratehičnaha aljansu dźviuch krain, sumiesnaj realizacyi prajektaŭ u handlova‑ekanamičnaj halinie.
Za apošnija paŭhoda bolš jak 56,4 tys.t biełaruskich kalijnych uhnajeńniaŭ na sumu $11,2 młn. było pastaŭlena ŭ Vieniesuełu. U pryvatnaści, u vieraśni minułaha hoda adpraŭlena 25 tys.t hetaj pradukcyi i ŭ studzieni hetaha hoda — 31,4 tys.t.
Amieryka Dyjas Nuńjes pierakanany, što jość vialikija pierśpiektyvy i realnyja ŭmovy dla pašyreńnia ekanamičnaha, kulturnaha i palityčnaha ŭzajemadziejańnia. Vieniesuelski ŭrad ličyć supracoŭnictva ź Biełaruśsiu ŭ mnohich halinach stratehičnym.
Časovy Pavierany padkreśliŭ važnaść taho fakta, što Biełaruś i Vieniesueła majuć padobnyja pohlady adnosna nieabchodnaści pabudovy šmatpalarnaha śvietu.
