Lider Partyi BNF Vincuk Viačorka znachodzicca ŭ specpryjomniku HUUS Mienharvykankamu na vulicy Akreścina ŭ Miensku. Pra heta paviedamiŭ syn palityka Franak Viačorka. Infarmacyju žoncy lidera Partyi BNF Arynie Viačorcy paćvierdziŭ dziažurny specpryjomnika. Pryčyna zatrymańnia palityka pa-raniejšamu nie viadomaja. Mahčyma, heta vyjavicca siońnia, kali lidera Partyi BNF buduć sudzić u Savieckim sudzie Miensku.
Na Viačasłava Siŭčyka składajecca pratakoł pra administratyŭnaje parušeńnie, sud nad im projdzie siońnia, 14 sakavika, Pra heta biez spasyłki na krynicu infarmacyi paviedamiŭ BIEŁAPAN brat V.Siŭčyka Kastuś Łukašoŭ minułaj nočču.
Palityk byŭ zatrymany viečaram u aŭtorak na staličnaj płoščy Jakuba Kołasa i dastaŭleny ŭ UUS Savieckaha rajonu. Nieŭzabavie asoby, jakija nazvalisia bajcami specnazu, zatrymali lidera partyi BNF Vincuka Viačorku la dźviarej jahonaj kvatery na vulicy Kalcova.
Da specprymalnika‑raźmierkavalnika pryjaždžali supracoŭniki Ofisu ABSE, jakija sprabavali daviedacca pra los zatrymanych palitykaŭ.
