8 krasavika kataliki (u tym liku biełaruskija ŭnijaty), pratestanty adśviatkavali Vialikdzień Uvaskrasieńnia Chrystovaha. 15 krasavika śviata pryjšło ŭ pravasłaŭnyja siemji.
Tradycyjna ŭ hety dzień ludzi vitajucca adzin z adnym, kažučy: Chrystos uvaskros! I adkazvajuć na toje: Sapraŭdy ŭvaskros!
Śviatary pamianiali čornyja šaty na biełyja — u honar dnia pieramohi nad śmierciu. Vakoł cerkvaŭ iduć uračystyja pracesii.
«Chrystos uvaskros ź miortvych, Śmierciu śmierć zvajavaŭ, I tym, što ŭ mahiłach, Žyćcio daravaŭ!» — hety paschalny himn śpiavajuć u cerkvach i kaściołach na Vielikodnych nabaženstvach.
Vialikdzień — najbolšaje śviata hoda, dzień, kali razam źbirajucca siemji, a taksama dzień, pierad jakim ludzi paradkujuć i paśla jakoha, na Radaŭničnyja dni, naviedvajuć rodavyja mahiły.
Tradycyja «chrystasavacca» — vitacca słovami «Chrystos uvaskros!» — vyjšła z zakliku, jakim apostał Pavał padbadziorvaŭ chryscijanaŭ horada Karynfa.
Karani inšych tradycyjaŭ — jajek-krašanak, piraha-paski, supolnaha śviatočnaha abiedu — chavajucca ŭ lehiendach.
Vialikdzień — śviata, jakoje nahadvaje nam pra našu chryścijanskuju vieru, pra pieramohu Žyćcia Viečnaha nad śmierciu.
Dyk skažam siońnia adzin adnamu z radaściu: Chrystos uvaskros! Sapraŭdy ŭvaskros!