10 krasavika adbyłasia sustreča staršyni Biełaruskaj fiederacyi bijatłona (staršyni KDB pa sumiaščalnictvie) Vadzima Zajcava ź viadomym francuzskim bijatłanistam Rafaelem Puare, jaki znachodzicca ŭ Minsku.
Jak paviedamiŭ hienieralny sakratar fiederacyi Anatol Stromski, Zajcaŭ i Puare abmierkavali mahčymaść supracoŭnictva słavutaha francuza ź biełaruskaj zbornaj. Praŭda, pavodie słoŭ hienieralnaha sakratara, pakul nieviadoma, u jakim vyhladzie i ŭ jakoj formie budzie adbyvacca heta supracoŭnictva.
«Pakul štości ciažka kankretyzavać. Nie mahu skazać, u jakim vyhladzie budzie adbyvacca supracoŭnictva Puare z našaj zbornaj.
Taksama nie mahu nazvać i terminy, kali budzie dakładnaść, tut šmat faktaraŭ. Puare pakinie Minsk zaŭtra»,— adznačyŭ Stromski.
Raniej u niekatorych ŚMI prajšła infarmacyja, što Puare moža zamianić na pasadzie staršaha treniera mužčynskaj zbornaj Juryja Albiersa.
