Kali vadziciel nie sastupiŭ darohu mašynie chutkaj mieddapamohi, jamu pahražaje štraf da miljona rubloŭ i pazbaŭleńnie prava na kiravańnie transpartnym srodkam da hoda,nahadaŭ 13 krasavika vykanaŭca abaviazkaŭ načalnika adździeła pa ahitacyi i prapahandzie DAI HUUS Minharvykankama Dźmitryj Maksiuta padčas praviadzieńnia prafiłaktyčnaj akcyi «Sastupi darohu chutkaj dapamozie».
Za 2011 hod na terytoryi Minska zdaryłasia 11 DTZ z udziełam mašyn chutkaj dapamohi, u jakich paciarpieli šeść rabotnikaŭ miedycynskaj słužby, paviedamiŭ Maksiuta. «Sioleta ŭčyniena adno DTZ, u jakim paciarpieŭ adzin čałaviek. Padčas prafiłaktyčnaj akcyi supracoŭniki DAI buduć adsočvać tych, chto nie sastupaje darohu „chutkim“, spyniać ich i prymianiać da ich miery administracyjnaha ŭździejańnia», — adznačyŭ pradstaŭnik Dziaržaŭtainśpiekcyi. Jon rastłumačyŭ: za niedavańnie pieravahi ŭ ruchu mašynam apieratyŭnaha pryznačeńnia praduhledžana adkaznaść u vyhladzie štrafu ad 2 da 10 bazavych vieličyń z mahčymym pazbaŭleńniem prava na kiravańnie aŭtamabilem da hoda.
Pavodle słoŭ Maksiuty, takija prafiłaktyčnyja akcyi płanujecca zrabić rehularnymi.
