Miarkujecca, što studentami filijału Biełastockaha ŭniversytetu ŭ Vilni buduć vypuskniki polskich škołaŭ.
U Vilni budzie adčynieny filijał Biełastockaha ŭniversytetu. Pra patrebu polskaj navučalnaj ustanovy ŭ Letuvie kažacca ŭžo apošnija 20 hadoŭ. Paśla doŭhich dyskusijaŭ letuviskaja ŭłada zhadziłasia na adkryćcio ŭniversytetu ŭ Vilni. Budzie heta pieršy zamiežny filijał dziaržaŭnaha VNU ŭ Letuvie.
Z kastryčnika pačnucca zaniatki pa ekanomicy j infarmatycy. U budučyni planujecca eŭrapeistyka j sacyjalohija. Navučańnie budzie praciahvacca try hady, na abodva fakultety praduhledžana pa 90 miescaŭ. Miarkujecca, što studentami filijału Biełastockaha ŭniversytetu ŭ Vilni buduć vypuskniki polskich škołaŭ. Hałoŭnym čyńnikam pryniaćcia na navučańnie budzie dobraje viedańnie polskaj movy. Vykładać buduć prafesary ź Biełastoku, ale pastupova buduć źjaŭlacca miascovyja vykładčyki.
