Na sajcie Tavarystva achovy pomnikaŭ raźmieščany fotakałaž, jaki dazvalaje paraŭnać, jak vyhladała vieža radziviłaŭskaha pałaca ŭ Niaśvižy da ramontu i ŭ našy dni. Staršynia tavarystva piša, što spačatku paradavaŭsia za demantaž viežy-cybuliny. Ale paraŭnaŭ fota i raskajaŭsia za toje, što rana radavaŭsia.
«Praporcyi sapraŭdy nie vytrymany. I ŭ pieršuju čarhu adnosna viertykalnaj vosi. Adnosna haryzantalnaj prosta značna ciažej praanalizavać situacyju. Sapraŭdy, atrymałasia pa-biełarusku. Chacieli, jak lepiej, a atrymałasia, jak zaŭždy. I navat, kali miedny list pakryjecca ciomnaj pacinaj, situcyja nie vypravicca, bo zanadta vialikija razychodžańni z aryhinałam.
Zastajecca tolki dziakavać Panu Bohu našamu, što ŭ svoj čas chapiła rozumu nie ŭpichnuć u mury Niaśvižskaha zamka lift, jak to ŭ Miry było zroblena. A to mahli b u viežu lift, a na jaje, zamiest luboha zaviaršeńnia — mašynnaje pamiaškańnie».
