Goals. by: Puare budzie treniravać mužčynskuju zbornuju Biełarusi pa bijatłonie 2

Vaśmirazovy čempijon śvietu, francuz Rafael Puare ŭ budučym siezonie budzie treniravać mužčynskuju zbornuju Biełarusi, paviedamlaje Goals.by sa spasyłkaj na Biathlon Online.

Jaho žonka Liŭ-Hret i try dački zastanucca žyć u Narviehii. Paviedamlajecca, što supracoŭnictva praciahniecca da Alimpijady 2014 h. u Sočy.

Nahadajem, što Puare prylataŭ u Minsk na pieramovy 9–10 krasavika.

Pryčym vioŭ pieramovy sa staršynioj fiederacyi bijatłona (i staršynioj KDB) Vadzimam Zajcavym. Paśla pieramovaŭ Puare ŭziaŭ čas na rozdum i pakinuŭ stalicu Biełarusi.

Pa zaviaršeńni svajoj karjery Rafael Puare pačaŭ trenierskuju ŭ Narviehii — na radzimie svajoj žonki Liŭ-Hrety, dzie jon pracavaŭ ź junijorami. Aproč taho, Rafael kansultavaŭ adnaho ź lidaraŭ narviežskaj zbornaj Tarje Bio.

Mužčynskaja zbornaja Biełarusi ŭ hetym siezonie pakazała kiepskija vyniki.

Najlepšy ź biełarusaŭ Siarhiej Novikaŭ u ahulnym zaliku Kubka śvietu zaniaŭ 51-je miesca, Alaksandr Babčyn — 78-je.

U toj ža čas vyniki žanočaj zbornaj nieparaŭnalnyja: Darja Domračava zaniała 2-je miesca ŭ ahulnym zaliku, zavajavała dva małyja kryštalovyja hłobusy. Nastaśsia Dubarezava zaniała 33-je miesca ŭ ahulnym zaliku, Nadzieja Skardzina — 40-je, Ludmiła Kalinčyk — 42-ja.

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH