Saviecki Sajuz abiacaŭ kožnaj siamji asobnuju kvateru da 2000 hoda, adnak paśpiachova skončyŭ svajo isnavańnie, źniosšy ŭ mahiłu, a taksama ŭ šviejcarskija banki hrošy svaich davierlivych hramadzian.
Respublika Biełaruś razdaje bolš aściarožnyja abiacańni. Tak da 2010 hoda siaredni zarobak u krainie byŭ vyras da 500 dalaraŭ. Zaraz ža pieryjad zabieśpiačeńnia biełarusaŭ žyllom płanujecca skaracić da 3-5 hadoŭ z momantu pastanoŭki na ŭlik majučych patrebu ŭ palapšeńni žyllovych umoŭ. Pra heta havorycca ŭ prajekcie Kancepcyi dziaržaŭnaj žyllovaj palityki Biełarusi na 2012-2015 hady, jaki da 15 maja vyniesieny na hramadskaje abmierkavańnie, paviedamlaje karespandent BIEŁTA.
Pieryjad zabieśpiačeńnia žyllom z momantu pastanoŭki na ŭlik majučych patrebu ŭ palapšeńni žyllovych umoŭ płanujecca skaracić da 3 hadoŭ dla šmatdzietnych siemjaŭ, da 5 hadoŭ (u Minsku - da 7 hadoŭ) dla vajskoŭcaŭ, siemjaŭ, jakija nie majuć ułasnaha žylla, jakija pražyvajuć u nieprydatnych dla pražyvańnia damach, hramadzian, jakija pražyvajuć nie mienš za dziesiać hadoŭ u internatach, u žyłych pamiaškańniach dziaržaŭnaha žyllovaha fondu pa dahavorach padnajmu žyłoha pamiaškańnia, u žyłych pamiaškańniach pryvatnaha žyllovaha fondu pa dahavorach najmu žyłoha pamiaškańnia, jakija nie majuć va ŭłasnaści žyłych pamiaškańniaŭ i dla inšych sacyjalna pryjarytetnych katehoryj hramadzian.
