Ludzi ŭ cyvilnym pryjšli ŭ dekanat da maładoha čałavieka - studentu BDEU - pradstaviŭšysia zacikaŭlenymi asobami, jakija žadajuć arhanizavać padobnuju kanfierencyju, paviedamlaje «Naš dom». U studenta nie zastavałasia sumnievaŭ, što pierad im ahienty KDB. Jaho raspytvali ab arhanizatarach kanfierencyi, pra toje, chto jaje spansaruje i ab inšaziemcach, uciahnutych u arhanizacyju debataŭ.
Chłopiec tak kamientuje hety incydent: «Ja nie dumaŭ, što buduć prablemy. U dekanacie mnie dali dazvoł na pajezdku, da taho ž prajšło doŭhi čas, i tut raptam pryjšli prosta ŭ univiersitet».
Nahadajem, što padobnyja kanfierencyi pravodziacca ŭ EHU z 2009 hodu. Paśla kožnaj z kanfierencyj udzielniki jak ź biełaruskich VNU, tak i ź EHU vyklikalisia ŭ KDB dla dopytu. Kanfierencyi nosiać mižnarodny charaktar, arhanizujucca ŭ roznych krainach Jeŭropy. U Biełarusi padobnyja debaty arhanizoŭvać davoli prablematyčna.
