Znachodziačysia 25 krasavika ŭ pajezdcy pa Mahiloŭskaj vobłaści, Alaksandr Łukašenka źviarnuŭ uvahu na niaŭchilnaść vykanańnia daručeńnia ab tym, što da kanca hetaha hoda ŭ kožnaj haspadarcy pavinna być rekanstrujavana abo pabudavana adna paŭnacennaja fierma.Kiraŭnik dziaržavy ličyć, što haspadarki ŭ stanie heta zrabić, paviedamlaje
«My damovilisia: jakim chočacie sposabam budujcie, ale da kanca hoda pavinna być adna fierma na haspadarku», — padkreśliŭ kiraŭnik dziaržavy. Jon dadaŭ, što vyklučeńniaŭ nie budzie zroblena ni dla adnoj vobłaści, u tym liku Mahiloŭskaj. «Kali mahiloŭski mietad supadaje ź inšymi rehijonami, to dobra, kali tut płanujuć zrabić tolki pałovu ad pastaŭlenaj zadačy, to heta nie padydzie», — skazaŭ Łukašenka.
«U nas jość śpis fierm, jakija my pavinny madernizavać. Budzie jana vyrastać sa staroj abo na jaje miescy pabudujuć novuju — heta sprava kožnaj haspadarki. Pra hrošy mnie nie kažycie — heta nie moj kłopat», — adznačyŭ kiraŭnik dziaržavy.
Jak byŭ prainfarmavany Łukašenka, haspadarki šukajuć roznyja šlachi patańnieńnia budaŭnictva fierm.
Tak, u pryvatnaści, u letni pieryjad płanujecca pryciahvać da budaŭnictva fierm studenckija budatrady.
«Vy heta robicie nie dla spravazdačy pierad prezidentam, a dla siabie. Tamu treba napružycca. Za hetaje daručeńnie patrabavańnie budzie žaleznaje, — dadaŭ Łukašenka. — Kali my heta zrobim, heta budzie praryŭ, pa značnaści heta budzie druhoje, što my zrobim u sielskaj haspadarcy».
Zaŭtra Łukašenka praciahnie svaju rabočuju pajezdku. Pa tradycyi Alaksandr Łukašenka 26 krasavika naviedaje paciarpiełyja čarnobylskija rehijony.
