Novy albom hurta "Lapis Trubiackoj", "Rabkor" pabačyć śviet jašče na šeść dzion raniej, čym było abvieščana pieršapačatkova. Užo 1 maja jon budzie vykładzieny dla prasłuchoŭvańnia na servisie "Jandieks.Muzyka".
"Ad 1 da 5 maja ŭ "Jandeksa" budzie ekskluziŭ na stryminh, -- padzialiŭsia infarmacyjaj pres-ataše "Lapisa Trubiackoha" Alaksandr Bierhier. -- A 6 maja" Rabkor "budzie na takoj ža ekskluziŭnaj asnovie vykładzieny dla zapampoŭki na sajcie ThankYou.ru".
"Pieršamaj -- heta vydatnaja data dla novaha relizu "Lapisaŭ", -- ličyć pradziusar hurta Jaŭhien Kałmykoŭ. -- Salidarnaść pracoŭnych dla nas -- nie pusty huk i nie prapahandyscki štamp. I
my vielmi spadziajemsia, što naša novaja płaścinka padtrymaje tych, chto zmahajecca za praŭdu i spraviadlivaść, dzie b jany ni znachodzilisia".
Pa słovach lidara hurta "Lapis Trubiackoj" Siarhieja Michałka, novy albom atrymaŭsia vielmi «lutym i žorstkim". U jaho ŭvajšli 12 trekaŭ, u tym liku -- 4 biełaruskamoŭnyja.
Vokładku dla "Rabkora" zrabiŭ znakamity minski mastak-kanceptualist Uładzimir Ceśler,a aryhinalny proma-rolik da alboma ź niepasrednym udziełam muzykaŭ hurta źniaŭ Źmicier Akładnikaŭ, pastajanny vidžej "Lapisaŭ".
