26 krasavika ŭ Bierlinie adkryłasia VII bijenale sučasnaha mastactva. Jaje hałoŭnaja tema — sacyjalna-palityčny patencyjał mastactva i jaho mahčymaści ŭpłyvać na palityčnyja pracesy. Kurataram bijenale-2012 staŭ polski mastak Artur Žmijeŭski, viadomy svaimi skandalnymi pracami i levymi pohladami. Charakterna, što adnym z sakurataraŭ jon abraŭ epatažny rasijski art-hurt «Vajna».
Upieršyniu dla bijenale byŭ abvieščany adkryty konkurs, u jakim uziali ŭdzieł bolš za 7.500 mastakoŭ. Siarod ich — i biełaruskaja mastačka Maryna Napruškina, jakaja pradstaŭlaje ŭ Bierlinie svoj prajekt «Samakiravańnie», realizavany ŭ supracoŭnictvie z hramadzianskaj kampanijaj «Naš dom». Biełaruski prajekt užo pryciahnuŭ uvahu publiki.
U miežach vystavy taksama demanstrujecca klip hurtu N.R.M. na pieśniu «Pramień», aŭtar idei jakoha znakamity polski mastak i skulptar Pavieł Altchamier, a režysior — klipmiejkier Jacak Tašakoŭski.
VII Bierlinskaja bijenale praciahniecca da 1 lipienia.
