Adzin z čytačoŭ dasłaŭ u redakcyju fotazdymki z Maładziečna, letašniaj stalicy «Dažynak». Na zdymkach — učastak vulicy Turhienieva, piša čytač.
Jon kaža, što hetaja vulica i raniej była niedahledžanaja, stan darohi — jak na tankadromie.
«Była nadzieja na «Dažynki». Ale jany, hledziačy pa vulicy Turhienieva, rasčaravali», — piša čytač. Pa jaho słovach, jon paviedamiŭ maładziečanskim uładam pra ŭbačanaje. Ale tyja nibyta nie zachacieli ź im razmaŭlać, bo jon nie pažadaŭ pryznacca pra miesca žycharstva. U vyniku čytač paabiacaŭ razasłać infarmacyju ŭ dziaržaŭnyja i niezaležnyja ŚMI.
«Dažynki — heta dziecišča Łukašenki. Naŭrad ci jamu spadabajecca, što značeńnie dažynak i ŭsich mierapryjemstvaŭ pa padrychtoŭcy da ich, prymianšajecca Maładziečanskaj ŽKH», — reziumuje čytač.
Hladzi jašče: «Štodzień rabočyja siadziać na raskładzienym kala doma śmiećci i papivajuć piva».