Na sajcie PC «Viasna» była źmieščanaja infarmacyja pra nibyta časovaje prypynieńnie zboru podpisaŭ u abaronu bernardynskaha klaštara z kaściołam.
Jak patłumačyŭ sustrašynia arhkamitetu partyi «Biełaruskaja chryścijanskaja demakratyja» Alaksiej Šein, BCHD nie inicyjavała hetuju akcyju, a tamu pa vyznačeńni i nia maje paŭnamoctvaŭ na jaje prypynieńnie. Adbyłasia błytanina: BCHD ładzić kampaniju pa abaronie prava na svabodu sumleńnia (zbor podpisaŭ za źmieny ŭ adpaviedny zakon). Da jaje dałučylisia novyja inicyjatyvy, pamiesnyja cerkvy i chryścijanskija denaminacyi, što i vyklikała nieabchodnaść časovaha prypynieńnia akcyi.
Ad siabie sp. Šein dadaŭ: «BCHD, naadvarot, całkam padtrymlivaje ideju zboru podpisaŭ i biarecca tam, dzie moža, dapamahčy».
Nahadajem, što zbor podpisaŭ u abaronu katalickich chramaŭ pačaŭsia 7 sakavika paśla taho, jak stała viadoma pra namier Mienharvykankamu pieradać pomnik architektury baroka XVII st. investaram dziela rekanstrukcyi i prystasavańnia pad hatelny kompleks z basejnam i abjekty handlova‑bytavoha pryznačeńnia.
Poŭny tekst zvarotu arhakamitetu partyi «Biełaruskajach chryścijanskaja demakratyja» možna pabačyć na staroncy internet‑hazety «Pahonia».
