Jak paviedamiŭ «NN» hrodzienski žurnalist Andrej Pačobut, ranicaj 3 maja jaho svojeasabliva pavinšavali z Suśvietnym dniom svabody presy. Na padjezdach doma, dzie jon žyvie, nieviadomyja raskleili płakaty z čorna-biełym zdymkam i podpisam «Aściarožna, piedafił!»
Andrej Pačobut adnios adnu z ulotak u milicyju i napisaŭ zajavu.
Jon miarkuje, što takim čynam jamu ŭ čarhovy raz adpomścili za jahonuju hramadzianskuju pazicyju i žurnalisckuju dziejnaść. Žurnalist nie vyklučaje, što za pravakacyjaj moža stajać KDB.
***
Andrej Pačobut byŭ asudžany na try hady pazbaŭleńnia voli z adterminoŭkaj na dva hady pa artykule «paklop ŭ dačynieńni da prezidenta», jamu zabaronieny vyjezd za miažu. «Sud pryznaŭ žurnalista vinavatym pa častcy 1 artykuła 367 (paklop u dačynieńni da prezidenta) Kryminalnaha kodeksa za šerah artykułaŭ z krytykaj dziejnaj ułady. Sudovy praces byŭ zakryty. Žurnalist pravioŭ za kratami 3 miesiacy.
